PRESENTAÇÔM

Bôcês dóme licença. Um bem li pagá

um dívida d`sôdáde e d`amor.

E cma sôdáde e amôr ê amigue d`cantiga,

bôcês longáme um violão: um crê canta !

Sim, cantá. Nêsse toada d`nóssa:

ora triste, ora contente...

consôante coraçôm mandá ! ...

Quem mi è? Um fidje de Sanvcênte.

Nascide, crióde, lá na ponta d`Praia.

lá ondé que mar tâ sparajá debóxe de bôte,

moda barra dum saia.

Cs`que m`crê? Canta nha terra !

Companhal na sê dôr;

na nôbréza d`sê alma;

na pobréza d`sê vida !

Dzêl na hóra d`spedida:

<< Alí nha côrpe: strumá bô tchôm !

Alí nha sangue: regá bô midje !

Armôm: alí bô armôm !

Mãi: alí bô fidje !...>>

S E R G I O    F R U S O N I