NHA CORAÇÔM

Nha coraçôm ê dum rapaz de vint´óne:

Ê tâ rí, êl tâ chorá, consoante êl crê.

Se da´l pa cantá, êl ê italióne,

pa quêl sangue qu`êl herdá quand`m`nasê:

Se dá`l pâ chorá, êl ê caboverdeóne:

Sempre que sentide na pôbre ma na quem podê,

Pronte pâ tâ caí num qualquer engóne,

Levóde pâ sô confança e sê bôa fê.

El câ tem socegue, el câ tem provèite !

De vez em quande el ta pulóme na peite:

Mà ta pô ta screvê e ... alá `l contênte ! ...

Ma ôtrundia êl bem càtrevimente,

E cma m`chamál pa órda e pa ruspêite,

El vrá pra mim êl dzê: << BÊDJE RABUJENTE>> !...