PRACINHA

Igreja

Cambra

Rua da Luz

Camim d` cimter

Um sine ma um pontêr d` arloje

tá marcá hora d` intrada

ma hora d` saída

na camim de nôs vida...

Porta d` Madêral

renca d`cêlha armóide na tchon

formiga ma mósca

armode na bôl de mel

funguim

ma rubcóde d` hortalom...

Ponta d` praia

marê séca, marê chêa;

bôte tâ corrê pa lorgue

bôte ta dormi na arêa

paquête tâ basá fume pa cêu

e reste d` cmida pa mar

um cichada de pósse bránc

tá balança na ar

moda cartuche d` papêl ...

Sergio Frusoni