|
CAELA
MA ARLOCE DUM BÔI NA CAIS D’ALFÂNDEGA (ONES
1950/1960)
Enton,
quonde Caela temá fé de situaçon na mei
daquel afronta, ela betá quel soque qu’ela tinha
na cabeça lá pa tchon e cabá, cma boi
já tava quaz derriba dela e cma ela já ca tinha
más pa dondê bai, pa rapte, ela infiá
dritim pa mar, ma prublema é qu’ela ca sabia nadá...
Oh nhas gente, oh q’afronta!!!
Quel
dia plumanhã, vida tinha cumeçode naquel tranquilidade,
moda de custume, na cidade de Mindelo, cum calor de matá,
ma smeme assim que tude quel pove trabaiador de Soncente ta
dexi de fralda pa morada, lode d’Alfândega, ba
espiá que catá pa podia garanti sês menine
quel panela na lume de tude dia.
Bicha
de trabaiador espaiode na lugar quel dia era bem grande, uns
lá pa porta d’Alfândega, otes deboxe daquel
varanda d’antigue Consolode Inglês, e mas otes
sentode deboxe daquel sombra de Posse de Praça dos
Aviadores (homenaja daquês dôs aviador português
Gago Coutinho e Sacadura Cabral que passaba na Soncente na
1922) ta esperá ser tchemode na lista d’estiva
de capataz Quirino e pudesse imbarcá, pa ba trabaiá
na borde de paquete, o na lista de tiu Afonso de Pedre Antonha,
capataz de terra d’armazém n’Alfândega
de Mindelo.
CAELA,
carregadera de cais, canhota, amdjer valente, que ca tinha
dôs, pai e mãe de sês fidje, barulhenta
na descuti sê parte de traboie, quel dia tava chei de
raiba, quê já era 10 hora de plumanhã
e té inda tiu Afonso ca tinha el tchemode pa traboie,
na livre de ponte.
Basta
quel cosa dal um raiba, enton ela pô ta dá que
mon na peite, inda más c’aquês dôs
grogue na butche, que jal tinha inglide lá na butequim
de Nh’Anton Soares.... Ela, da lá de longe ondê
quel tava, pô ta escompô tiu Afonso ma Quirino,
que naquel tempe era tude dôs dirigente de Club Sportive
Derby, e cma ela, Caela, culcincinha de favor, ela nãooo!
Que certeza, que firmeza, ninguém ca tava podé
compral, quê ela era Mindlense té morrê…
Quel
lá era sê manha, quê assim jal sabia cma
tiu Afonso, pa calal boca, log tava tchemal ta corrê,
só pal pudia calmal, quê além dela ser
amdjer de sê tapona, que tava pô home c’amdjer
respeite c’aquel bom “crochet” d’esquerde
de seu, já cunchide na pove, era também um amdjer
de traboie, que sabia dá sê expediente pa rapte,
na tude traboie quês tava dal pa fazê, o que tava
fazel também ser sempre mute prifirida...
Um
bocode despôs, muvimente cumeçá ta tchegá
que força, que tude quês gente já colocode
na sês poste... Uns deriba de cais, moda Caela, otes
ta imbarcá pa estiva na borde de paquete, fundiode
lá na lorgue, na mei de Baía de Porto Grande.
Quem pudia duvenhá, num dia daquel tão bnite,
calme de sol, cma na espace duns sigunde, tava ta ba contecé
um tal areloce derriba daquel Cais d’Alfândega?!
Naquês
tempe qu’inda tchuva tava quei um csinha, contecê
que Dja de Moie tava custumá tem tcheu paia pa bitche,
assim Ilha era cunchide n’Arquipélago pa ser principal
fornecedor de carre pa matador de Soncente, que limentaba
pa tcheu tempe pove e isdá fornecé vapor estranger
que tava passá pa Porto Grande, mar aboxe.
Assim,
naviu ca tava pará de fazê viaja de Dja de Moie
pa Soncente, sempre carregode de boi, carner, capode e paia
pa cumpanhasse quês bitche, pa besse ta dás pa
cmê pa viaja e pa isdás guentá em vida
bem nutride, inda uns dia.
Na
mei de tude quês animal, era pa tem sempre cuidode nalguns
carner brobe que tava corrê na gente pa dá de
tchife e que força. Ma, más pior inda que tinha,
era quês boi brobe (Xibante) grandon, de tchifona bem
nutride, que tava bem recomendode, iliode e marrode de corda
pa tude banda...
Cma
ca pudia dexá de ser, num daquês dia de grande
muvimente de descarga na cais, era um trupida só de
boi ta desimbarcá, tude ta bem de Dja de Moie. Prublema
é que lá na mei dês tinha um que beba
bem recomendode e fecá na storia de Soncente.
Era
um boi forte e valente, daquês prop mau, marrode corda
na pé de trás, ma na tchife e pa tude banda,
que gente sempre que cuidode na el. De vez inquante, el tava
dá uns salha ma ta tinha três o quate home sempre
pa guentál.
Contecê
q’aquel pessoal que tava ta gordal descuidá uns
sigunde, foi suficiente p’aquel bitche, forte e valente
moda el era, dás dôs safarnada e cunsigui soltá,
derriba dum Cais d’Alfândega chei de gente!...
Foi grite trapaiode, que pove ta corrê pa tude banda
sem rume nem direçon, num abole de gaita derriba de
cais, cosa mudá log de situaçon e dá,
INGANHA PARI FAREL.
Uns
ta gatchá, otes ta garanhá moda ês tava
ta podê pa fegí daquel boi, que tava prop desuriantode,
ta corrê na mei de tude gente... Devera, devera, um
verdader afronta derriba daquel cais.
Enton,
boi na sê currida cegue de raiba, primer pessoa quel
infiá foi directamente pa Sr. Ivandro de Matos, nos
primer jornalista desportive de terra, na época más
cunchide pa Ivandrita, que naquel dia lassim Deus tava prop
ma el.
Quê
quel boi, além de ser grande e forte, tinha também
uns tchifona tão grande e lorgue na sê cabeça
que foi o que salvá Sr. Ivandro. Panhode de surpresa,
cma el fecá isulode, el só ma boi derriba de
cais, el ca tive más ramede senon sende de fecá
incostode num daquês coluna de cemente qu’era poste
de luz de Cais.
Ivandro
fetchá oie ta esperá quel hora, “Boiona”
rufenál tchife, ma cma Ivandro tava incostode naquel
poste de luz, assim lá el fecá pa sorte na mei
daquês dôs tchife daquel grande animal, raivose
fume ta esqual pa nariz, ma inda assim, el pude garanhá
naquel poste de luz, que salval sê vida!!!
Festa
de boi inda ca tinha cabode, quê el cuntinuá
sê currida de ponta de cais pa porta de saída
d’Alfândega... E lá enton, fui vez daquel
gritaenta veluntara de Ponta de Cais de Caela, que tava um
csinha más pa riba cum soque na cabeça, ocupode
na sê traboie que nem ca tava ta temá fé
d’arloce daquel “boi”, que já tinha
puste tude gente derriba d’Cais na respeite.
Boi
rancá pa Caela, basta tude gente gritál p’ela
temasse cuidode e ês tive tempe só de fetchá
oie, pês c’oiaba quel desgraça...
Enton,
quonde Caela temá fé de situaçon na mei
daquel afronta, ela betá quel soque qu’ela tinha
na cabeça lá pa tchon e cabá, cma boi
já tava quaz derriba dela e cma ela já ca tinha
más pa dondê bai, pa rapte, ela infiá
dritim pa mar, ma prublema é qu’ela ca sabia nadá...
Oh nhas gente, oh q’afronta!!!
Assim,
pa salvá sê vida e fegí de tchife daquel
desgraçode daquel “boi”, ela ba ta DEBANGÁ
NA MAR ta gritá pa sê POVE:
-
Uuuuiiii bsote bem panhame, quê ‘m ca sabê
nadá. Quê sé PA MORRÊ DE TCHIFE...
MORRÊ FOGODE...OIOIE... !!!
Quel
malta nadador, moda Manel de Chica, cumpanher e amigue de
Caela, e más otes quei log na mar, sem gaguejá,
pa trás dela, bá panhal. Cuitada, tude moiode,
mode ela que tinha caíde na mar que ropa e tude, donde
qu’ela sei tude sustada, ingiode moda um petim…
Dritim pa quel butequim de Nh’Anton Soares, lá
na Praça dos Aviadores, mudá de ropa e trá
friu c’uns dôs bom grogue que malta betal log na
corpe.
Currida
de “boi” cuntinuá desinfriode, derriba de
Cais d’Alfândega, inda que tude gente garanhode,
uns derriba de soque chei de carga, otes na cachote, otes
imitá Caela e quei na mar... Basta, Cais fecá
prop BAZIU de gente!...
Enton,
fui lá que bem parcê Jule Pliça, que tava
de sirvice la perte, e bem espiá qsê qu’era
quel barulhada?! Surprindide na mei daquel confuson, el fecá
desuriantode e fui ubrigode de fegí e sebí derriba
duns soque de pulguera de Djar Fogo, moda tude gente! Lá
enton, el trá sê pistola e descarregá
tude bala quel tinha na carregador, naquel bitchona de “Boi”,e
mez p’azar de vida, nium bala ca panhá naquel
animal!!!... Bala que Esquadra na época, pol pa pagá!
Rua
na roda de Cais, ma quês mas perte, nuns sigunde, fecá
tude baziu, quê alvícera corrê pa depressa
pa tude banda, pamode quel “Boiona de Dja de Moie”
solte, que pô quaz tude Soncente ma sê pove pé
na polero, ta gatchá e ta gritá que mede de
tchife.
Assim,
“Boi Xibante” cuntinuá sê currida pa
quês rua de cidade de Mindelo e ta pô Soncente
em pese num afronta sem igual...
Na
mei daquel desuspere, bem parcé Cunha, Caraca ma Nukim,
tude ês três magarefe famose de nôs Matador,
que já tinha custume daquês cosa!... Esperte
p’afronta, ês pô log sês intligênça
ma expriença de vida a sirvice de Pove de Soncente...
Que pa sês esponte, foi moda stora D’OVE DE COLOMBE
puste na prática!
Enton,
ês cambá pa Curral de Matador Bedje ba bescá
um “VACA”, e sende assim e só assim é
quês cunsigui calmá e panhá quel “Boi”,
que despôs ter passode na rua de Cráca, ma rua
de Muralha ô de Escadinha, já tinha cambode lá
pa lode de praia de Galé, que ta fecá lá
pa funde de Baía de Porto Grande, pa tranquilidade
de tude quel POVE ALVOROCODE SEM PODÊ SEI DE CAS!
Moda
de custume, e sempre quonde tinha um cosa dês na terra
que tava marcá pove, de note tava falode del pa tude
banda...
Ma
naquel note especial lassim, na butequim de Nh’Anton
Soares, na Praça dos Aviadores perte d’Alfândega
de Mindelo de Soncente CAB VERD, tive coque ma viva p’afronta
e pa saúde de Caela, cuitada que escapá pum
unha negra de morrê de tchife, pa saúde de Cunha,
Caraca ma Nukim, que fui quês heroi daquel saga que
libertá tude Soncente de pesadel daquel BOI BROBE QUE
BEBA RECOMENDODE DE DJA DE MOIE…
Zizim
Figueira (José Figueira, Júnior)
V
o l t a r
Comentário:
Zizim, Um grande abraço de parabéns e continua
a prendar-nos, semanalmente,com estas "estorinhas"
de "fazê cordà morte p'arri tambèm".
Elias
Elias Silva elias.silva69@gmail.com
Comentário:
Oi Mano, Quem relata assim não é gago não!
Esta excelente reportagem cheia de termos e expressõs
mindelenses transpota-nos ás festas de S.Firmin em
Espanha e ao elefante da embaixada ao Papa no tempo de D.Manuel
que dizem andou a espatifar o Rossio.Sem tempo nem lugar.
Mas deve ter sido digno de se ver todo aquele alvoroço
no Cais de Alfândega do Mindelo. Saúude!Fraterno
abraço MAG
Comentário:
Força Irmão! Cá vim ao Forum das nossas
reuniões domingueiras, conjuntamente com o clube de
fans da malta daqui do bairro que sabe apreciar-te, para te
felicitar por mais esta maravilhosa narrativa, que hoje e
sempre nos vem transportando para aquele Mindel de Soncente
da minha época de estudante. Ela, nos enche o coração
daquela nostalgia no Cais de ver partir que era o Cais de
Alfândega e que o boi virou de pernas para o ar. Com
um abração de todos. Necas
Manuel de Sousa manuel.sousa@clix.pt
Comentário:
Sr. Engº Geógrafo Z.Figueira, Gostei imenso da
estória, dos personagens de que de muitos ainda me
lembro e da riqueza de termos de que já me tinha esquecido
completamente e que graças a si vou enriquecendo o
meu repertório em crioulo. A estória está
ótimamente bem elaborada. Parabens! Um abração
daqui de Goíás-Brasil. Fernando
Fernando F. Nobre fernando.fnobre@yahoo.com.br
Comentário:
Zizim, Se eu não te tivesse todos os fins de semana
neste grande Jornal que é o Liberal e que vos felicito,
a vida por cá de tão longe em Sidney-Austrália
seria deveras monótona. Mas graças a ti e o
que sinceramente repito com estas tuas sensaionais sturinhas
lá vamos tomando tudo com calma. Porque um sabê
cma um dia um ta voltá. Thanks nha broda. Saúde
e até próximo domingo. Forte abraço Terencio
Terencio Lopes terencio.lopes@yahoo.com.au
Comentário:
Dear Zizim, A estória já era conhecida mas não
impediu o bom ambiente na leitura. Pois coisa agradável
nunca cansa e havia no nosso meio associativo muitos recém-chegados
mas mesmo muitos, que a não conheciam e se deleitaram.
Como sempre houve muito riso e os mais velhos do grupo lá
foram explicando aos mais novos o modo de operar na descarga
de víveres e animais na época no nosso cais
de Alfandega. E todos torceram por CAELA.Eheheh.Mantenhas
YO
Yolanda Dias
yoldias@aol.com
Comentário:
Obrigado Zizim, Adorei e passei a mensagem para meus filhos
e vizinhos que também adoraram e continuam adorando.
O livro já meu amigo, pois estamos todos ansiosos á
espera. Rijo abraço Viriato
Viriato Brito Évora
viritaobevora22@gmail.com
V
o l t a r
Comentário:
Caro Sr.Zizim, A minha mãe e eu achamos esta estória
uma maravilha " nem camoca q'mel" com ela disse.
Ainda estamoa a rir mas a situação devia ser
terrível em cima do cais que nem imagino. Beijinhos
da mãe e eu. Suelly
Suelly Fonseca suellyfonseca17@gmail.com
Comentário:
Nh'Irmunzim de sodade, Festival esse one cumeçá
nice dmunde ma tchuva que nô tem falta tcheu tchegá
e mandá pará e nô tive que paral mode
perigue de fiu má eletricidade. Ma ca ta fazê
nada e Deus tem. Agora nô tem qua fcá ta propô
mas cosa drete, porque n'é só Festival que nô
ta devê tem pa nô podê exprimi nôs
cultura má nôs talente. Sturinha tchegá
dente d'hora quê hoje dmingue nô tava prei triste.
Ma, almoce hoje é arroz que faba e um escabechada de
pompe ma cavala. Faltá só bô nha broda.
Ma d'aqui a nada bô ta bem e nô ta li ta gordobe
bô lugar na bancada sul de estádio Adérito
Sena. Obridaga p'esse sturinha sabim ma um malaguitinha nesse
escabeche ti ta cai prop sabe. Um braçona de malta.
Nununa
Nununa nununa@cvtelecom.cv
Comentário:
Como
uma droga, não pude prescindir de ler e vir cá
comentar este teu tão rico trabalho de longa data onde
pões toda gente tanto prós como contras na selecta
Só quem deveras não conheceu aquele Soncente
de outrora não pode avaliar a densidade do conteúdo
destas tão bem elaboradas estórias do amigo
Zizim. Mas, estou certo que um dia serão lidas e comentadas
pelas novas gerações de cabo-verdianos enquanto
existir a nossa força de caboverdianidade como identidade
socio-cultural. Bem hajas amigo.Fraterno abraço Jorge
Jorge Manuel Cleofas Martins jorge.cleofasmartins@cvtelecom.cv
Comentário:
Very good one may big brother Zizim, Jam arri pafronta, quê
um ta lembrá moda se fosse ahoje de tude esse storia.
You made my day! Big hug Toi
Antonio Santos toisantos@verizon.net
Comentário:
Meu Zizim de Ti Djô Figuera, Nô sube cma ês
operobe coraçon e q'tude corrê drete. Jon Modeste
e malta de Rebera Bote ma Banca Sul de Compe de Jogue ta desejobe
de coraçon um bom e rapte restablecimente. Pa esse
Sturinha sabe na coraçon e que já pô tude
gente sabe t'arri no ta dobe quel 20 valor qu~e ca tem más.
Um braça pertode de malta. Guey
Miguel
M.Monteiro
mucimdereberabote@cvtelecom.cv
|
