Dspos q'inglés bà'mbora d'Sãocent, cumçà ta bem qés nhanbòb, caqés mentalidad, scravagista e salazarista. Primer q'parcé fui un tàl inginher Gomes da Costa, chéi d'tosse pa bem mandà na prét.

Mà o q'él sqçéba é q'prét também tem intligencia, porqé intligencia é universal e nada tem à ver q'instruçon… El tchgà.

Cé primer atitude fui d'proibi tud trabaiador d'tmà qél cafizim na ponta d'càiz SHELL, dspos d'tont one sem nunca ter sid chatiòd pa ninguém.

Anton, trabaiador e cés gent, fcà prob dusriantòd, révoltd, e és tinha q'saì na rua, diant d'matador, e na méi d'pov pàs pudéss tmà cés café! Basta, q'tud gent q'tàva ta passà pra là, tàva fcà spantòd e revoltod caqél nov léi!!!

Cé stile incunfundivel, d'boina prêt, calça mà camisa bronq, cé casòq castonhe e cé dsitintiv d'Club Sportiv Mindlense, caqél liunzim sempr puste na peito.

Fui daqés q'nunca ceità, trocà qél Leão d'Mindlense Forte e Afamado (hino féte pa B.Leza) pa qél Aguia d'Benfica.

Batchinha, home d'geraçon d'gent dsportista d'ones 40/50 sempr popòd nem cigorr, nem coq, nem xtravagancia, exempl pa juventud d'un vez e q'juventud tàva sigui e admirà.

Moda él assim fui: Eduardo Fula, Lela de Raùl, Blàda, Tatoche e Tony d'Picarone, Toi d'Bèdja, Léla d'Panan, Tambrinha, Teàta e màs e màs.

Ech li fui un d'qés grand geraçon d'futebulista d'Mindlense d'un vez. Mà cma geraçon ta suédé na limite d'temp, no ca podia d'tchà d'dzé o lembrà cma Club Sportiv Mindlense dà cé bon contribut na tchéu ots modalidad sportive.

Ca fui so na futebol! Tive também, ginàstca (argola, plint, barra) cricket, golf, ténis, boxe sem contà qés régàta d'bote na Baìa d'Port Grand q'tàva tem tud one.

Batchinha, cé spécialidad era cricket (jog inglés, q'un stérod d'cment, q'tapéte stançiòd, uns métre, pa dos posiçon d'trés stick e trés bills), sobretud grand bolador e d'fàma.

El fui sempr grand admirador e imitador daqés grand cricketman d'un vez, moda Nho Fula, Jon Doia, Damatinha (Old Costa) e ots q'inchnàl art déss jog.

Era un prazer oià qond él, Adolf D'Juff e Ti Tchùtch d'Noba, t àva antrà na jog dboch daqés pàlma. Adversàr inganha tàva paris farél naqél stérod d'tchã d'cricket q'cés boladura.

Tud és! Gent d'terra o stranger tàva trémé diant d'cés força e cés manera d'bolà. Pos és éra grands panhador d'bills caqés bola d'efeit.

Anton tàva séi sempr qél grit de: play bola wh'as that Ampar… abreviatura en criol de play ball what's that Empire? Well out?! or Not out?! (ingles).

Qont campionat local q'Mindlense ganhàba e qont victoria contra qés vapor d'guerra o carvoer inglés q'tive na tchon d'Sãocent.

Qont véz q'éch nos heroi fui lembrod e puste n'andor???!!! Dspos, caqél mudança d'carvon pa oleo diesel, tchéu cosa mudà.

Mà cma na Shell, inda assim, fcàba alguns inglés q'tàva izgà cricket. Nos Batchinha e màs alguns fui impregòd na Shell, o q'fazé q'cricket inda durà uns one na terra.

Batchinha, rapàz cunchid e bem na tchon d'Sãocent, pa cé simplicidad e amig d'tud gent, grand q'piqnim, era não so grand atleta, cma também un hom chéi d'cés pirràça (humor prop d'terra). Sempr suzùd, q'cé cara séria… stile dà q'pedra gatchà q'mon (proverb criol).

Naqés temp q'cabà carvon, carvon catém. Fcà sempr qél cstum d'mnin bà levà pai qél balaim d'cmida, ca'qél bulim d'café na trabòi, pa pai tmàba na ponta càiz d'SHELL.

Qé temp tàva séi d'poq, mod lantcha d'oleo, tàva stod là tracòd ta bombà oleo pa vapor na Baìa. Senhor Thompson mà Richards (inglés), antigs chéfs d'Shell, nunca proibiba trabaiador qél balaim e qél tmàr d'café na ponta d'càiz.

Log q'novi'ora d'plumanhà tàva dà, tud trabaiador tàva pàrà trabòi e tàva bà tmà cé cafizim, caqél catchupinha guizode, o q'ov strélod, o qél cavalinha frit, sem prublèma!!! Dspos q'inglés bà'mbora d'Sãocent, cumçà ta bem qés nhanbòb, caqés mentalidad, scravagista e salazarista.

Primer q'parcé fui un tàl inginher Gomes da Costa, chéi d'tosse pa bem mandà na prét. Mà o q'él sqçéba é q'prét também tem intligencia, porqé intligencia é universal e nada tem à ver q'instruçon…

El tchgà. Cé primer atitude fui d'proibi tud trabaiador d'tmà qél cafizim na ponta d'càiz SHELL, dspos d'tont one sem nunca ter sid chatiòd pa ninguém.

Anton, trabaiador e cés gent, fcà prob dusriantòd, révoltd, e és tinha q'saì na rua, diant d'matador, e na méi d'pov pàs pudéss tmà cés café! Basta, q'tud gent q'tàva ta passà pra là, tàva fcà spantòd e revoltod caqél nov léi!!!

Na méi d'tud, tive so um q'fcà na Ponta d'Càiz d'SHELL, q'sé balaim, sconta d'nada daqél proibiçon, pa dsgràça d'cés cobchéf, Nho Cob. Ess valent,era nos Batchinha d'NhAntone Bàtcha!!! Nho Cob, cun méd d'gaita dzél:

- O Bàtcha,d'izmòla oià chatisse q'bo tita bem ranjàm?!
Bàtchadzél: - Tchà pa nha conta!!!

Gomes da Costa tchgà, sempr q'cé ar basof, q'pop chéi d'vent moda pomba, él oià cma so Batchinha é q'continuà q'cé balaim na Ponta d'Càiz. El bem, màu d'mund, pa Bàtcha, él dzél:

- Oiça là Senhor Sabastião, então vocé não sabe ler??? Desde ontem, como o Senhor sabe, eu proibi esta tomada de CAFE aqui na ponta do CAIS da SHELL!!!

Batchinha d'NhAntone Bàtcha ca dsarmà! Q'sé calma d'cstumd él respondél:
- Desengane-se Senhor Engenheiro, sei ler e bem! O Senhor o que proibiu foi CAFE!!! Por isso mudei! Porque hoje estou a tomar é CHA!!!

Por causa d'atitud d'Batchinha proibiçon cabà log e fui tròd fora. Assim, tud gent pude cuntinuà q'cés balaim bind d'casa, caqél bulim d'café, qél catchupinha guizod, injéitod caqél cavalinha o qél uvim strélod, qond él tàva parcé e ta tmàl la na PONTA D'CAIZ D'SHELL na dscontra…

Zizim Figuera (José Figueira junior)

V O L T A R