|
NASCIMENTE
DUM MNINE BUTIODE
Já
tinha uns dia qu’Alcanja tava estode lá pa casa ta quexá
dôr, depôs de sete mês ta suportá quel mnine
que más tarde el pô nome d’Alexandre, na sê
barriga de mãe. Ma deboxe de sê pobreza mesme assim ligria
era bem grande pamode era más um fidje que Deus tava ta dal,
assim poque tava t’importal tude quês dor bem especial.
Era um movimente
de gente de vezinhança ta bem, ta ba espial se tude tava ta
corrê drete, pas podia assim que fosse, basse bescá pa
depressa, Nha Chica de Scolte Dade, grande partera de nome e d’área
coberte pa Monte Sussêgue.
La na Djidsal,
nha Prazer, amdjer de respeite, mãe de Bia e avô de Nastoce
na sê confidença ma Alcanja que tava cunsideral moda
um mãe, tava sempre ta dzel, cma pa du qu’ela tava ta
contal, ela Alcanja tava ta ba ter um “mnine butiode”, pamode
sê manera de comportá.
Tê
qu’um dia, Alcanja inda noviça na stora de tem mnine,
ca pude guentá más e tive de confessá Nha Prazer
cma ela tava estode dnote ta vivê num tormente, sem podê
drumi drete, pamode era um barulhada de mar ta esquebral deboxe cama,
c’um“sirena”(sereia) na borda de cama, gole múseque
ta cantá rafincode sabim, c’más um data de cosa
que nem ela c’tude sê cabeça tava ta ba podê
explical.
Enton, Nha
Prazer amiga de Nha Jona Tchuca ma Nha Joana Mari Nha Mãe qu’era
gente de terra que tava conchê tcheu dês cosa, um dia
juntá na segrede la na casa, ês sô ma Alcanja,
pa basse benzel corpe e explical sê manera qu’ela tinha
de vrá ta comportá tê ela pô quel onje de
Criste bem especial na tchon.
Nha Jona
Tchuca, moda de custume ê que tava t’orientá quel
sesson mode sê grande experiença de vida, bem cunchide
pa tude gente de terra e assim, ela tive de cumeçá pa
explicá Alcanja primer, qsê queria dzê um mãe
ta ba ter um “mnine butiode”.
Dzide cma
ela mandá Alcanja sentá perte dela, pol mon na cabeça
e cumeçá c’voz boxe moda na ton dum oraçon
ta dzel:
- Primer
bô tem que jurá, cma tude o que tita bem passá
li ma nôs tê dia de nascimente de mnine, cma bô
ca ta falá nem dzê ninguém nada, quê se
bô crê pa bô fidje fecá drete, gordá
segrede que nês case ê mute importante. E, Alcanja sem
pensá ba ta jurá!!!
Nha Jona
Tchuca dzel calma quê tê inda nem ‘m ca explicobe
que já bô tita jurá... Uvi primer, quê p’u
que já bô conto’n li, ca podê ser ote cosa
senon um mnine dês li que bô tita bem ter e fecá
ta sabê cma bô n’ê primer. Assim, bô
tem que ter mute coraja e sobretude força de vontade pa gordá
ês segrede ok?! Sim senhora, respondê Alcanja.
Já
quê assim, uli nha explicaçon cum sabê que foi
passode de geraçon pa geraçon de nha familia, de Nhanha
nha bisavô tê tchegá na mim, cosa que foi confirmode
pa sês dôs amiga que tava lá diasá t’uvi
sem dá um piu.
Enton, Nha
Jona Tchuca, amdjer de respeite, na sê seriedade de custume
rancá c’aquel explicaçon, assim de manera que mnina
fecá ta sabê cma:
- Mnine butiode,
ê tude quês mnine que ta bem pa Munde cum misson bem especial
mandode pa Deus e sempre siguide p’Arconje San Gabriel. Assim,
7 (sete) dia depôs quês nascê, ês ta bai pa
sês “Munde de Legenda” que tê hoje ninguém
ca sube dondê e, mãe oiás ta bai, mãe ca
gritá nem dzê ninguém nada durante 7 (sete) dia,
ês ta torná bem 7 (sete) dia depôs pa sês
posente lá na cama, ondê quês tava dantes. Embora,
dzide tê que mutes dês ta tem bode e as vez ês ca
ta tem binde.
Sô
que se tude cosa corrê normal moda jam explicobe bô mnine
ta cuntinuá ta criá moda tude mnine, ma cum diferença
de ser um “mnine super inteligente”. Ma se cosa corrê
mariode, dode nem taná el ca ta fecá, ma jal ca ta ser
um mnine normal moda tude mnine.
Assim que
Nha Jona Tchuca terminá sê explicaçon, Nha Prazer
que ca sabia nada sobre tude ês problema, ma Nha Joana Mari
Nha Mãe, bai consolá Alcanja que fecaba um bocode chei
de mede e fecá sempre ta dzê pa dentre del mesme cma
promessa ê promessa e qu’ela ca tava ta ba dzê ninguém
nada, pal podia ter sê fidje dritim na hora de Deus.
Cada um entrá
pa sê casa, Alcanja fecá la ma sê sigunda mãe,
Nha Prazer, lá ondê quês tava morá, ta cuntinuá
um vida normal, sempre c’aquel segrede bem gordode.
Ma moda ta
dzide la na terra cma, “quel home pel senal santa cruz”
ca ta gordá minne, quê Nhela mnine de casa de sês
11 (onze) one d’idade, que tinha fecode deboxe de cama ta drumi
sem quês gente temá fê e, quonde el cordá
cma jal ca podia sei da lá, tive de fecá lá moda
el contá depôs, tude ingurgunhide chei de mede também
t’uvi tude quês cosa de Nha Jona Tchuca que na sê
cabeça de mnine tava ta fazel um barafunda de matá.
Basta quel
note el ca tava nem ta podê drumi, jal bai conta Djosa, sê
vezim qu’era mute falador, tude quel stora segrede quel tinha
uvide, assim na dôs dia tude gente de Djidsal já sabia
d’alvicera daquel “mnine butiode” qu’Alcanja tava
ta esperá.
Inda Nha
Prazer tentá remediá tude quel mal de faladereza, ma
sê nête Nhela cuns carol, ma já era mute tarde.
E cma ca podia dexá ser, quel stora dexi pa morada via Praça
Estrela ma Barbaria etc.
Tude quês
amigue e vezim cuntinuá ta bai lá p’Alcanja ma
Nha Prazer dás quel assistença moda de custume, ma sô
que lá também já tinha um bocadim daquel curiosidade
despertode pa quel “riola de criol”.
Curiose ê
que, dia de 7 (sete) dia de mês de sete, Alcanja cumeçá
ta perdê ága, gente pa bescá Nha Chica de Scolte
Dade na Monte Sussêgue que bem pa depressa ijdá Alcanja
pô sê mnine na tchon.
Enton, Alcanja
depôs de tude, quê porte corrê dritim sem problema,
na hora de gradecê Nha Chica partera, bem falal nês storia
tude e Nha Chica fecá um bocode chatiada, quê ela ca
sabia de tude quel peripécia, quê moda el dzel, ês
divia ter ela dzide pal podia ao menes fazeba um novena de esguorde
pa tentá salvá situaçon.
Ma, aquêlê!!!
Já era mute tarde e destine daquel mnine por nome d’Alexandre
já tava ta corrê la naquel casa piqnin de gente sempre
t’entrá ta sei, embora Alcanja tava detode na sê
cama, cercode paquel “biombe de fazenda de cor”.
Enton, na
madrugada daquel tal 7 (sete) dia, tude gente ta drumi, Arconje bem
e quel “mnine butiode” tal era sê destine, argui moda
num espece de levitaçon, sei ta bai... ta bai...moda ta garanhá
na parede.
Ma, Alcanja
que cordá e assiti tude quel cosa, embora tude preparaçon
que Nha Jona Tchuca tinha el fete, ca pude guentá de mede trançode
c’amor de mâe e dá um senhora grite, dá contrariá
tude. Basta gente cordá, “mnine” já ca bai
e el bem log pa trás pa sê lugar la na cama ondê
quel tava.
Bom, moda
foi, Alexandre já ca fecá “mnine butiode”
e el cuntinuá ta criá lá na Djidsal, na mei de
tude otes mnine, ondê quel incontrá na mei de tude quel
pobreza sempre mute amizade e afeição de tude gente
que tava conchel tê 14 (catorze) de Setembre de 2009, dia quel
morrê.
Bastante
inteligente, el tive sempre mil um peripécia de stora de sê
vida pa contá, dês daquel tempe de porta d’entrada
de Cumpainha Wilson, ondê quel tava estode más.
Enton, mi
na 1987, dessaseis one sem bai pa terra, um tive que bai espial la
na Djidslal, mi ma quem tava djunte dzem cma jal ca tava ta ba conchê’m,
apôs, ‘m tchegá perte del um fecá parode
ta espial.
El, c’aquel
cordinha na mon sempre ta fazê moda um rabin de tchuque, fecá
ta espia’m e uns miute depôs el dzem :
- Bô
pensá ‘m ca tita conchêbe?!... Amdjor ê nô
bai la na Loja de Nhô Vintura, bô bai intchi’m boca
de farinha de pau c’açucra, moda bô tinha custume,
quê bô ê Zizim de Ti Djô Figuera!!!
Zizim Figuera (José Figueira,Júnior)
V
O L T A R
Comentário:
Há mais coisas entre a Terra e o Céu que supõe
a nossa "Filosofia" Esta é a mensagem contida na
singela Storia desta semana. E, para quem não saiba, ou para
quem não tenha ainda tido a felicidade de chegar ao conhecimento
dessa realidade, presta o autor os devidos esclarecimentos que, para
quem eles suscitem o interesse,serão o ponto de partida para
o ir mais além.Não foi possível ao Alexandre
cumprir o seu Destino. A alguns de nós assim acontece. A mensagem
é clara: o medo, neste caso da mãe, Alcanja, impossibilitou
o abrir a porta do desconhecido. É o medo do desconhecido que
nos trava tantas e tantas vezes a evolução. Curiosamente,
ja desde o inicio que o caminho do menino parecia encontrar escolhos,
na sua evolução espiritual (porque disso se tratava,
afinal) já que, coisas bem comezinhas e triviais se meteram
em meio,trazidas pelas falas de uma criança,é certo,
mas que ainda assim trouxeram "bate-boca". É que
se ninguém foge ao seu Destino, a verdade é que as vezes
outros o entortam. Excelente viagem o mundo ainda inexplorado do transcendente
e - sobretudo - da sua implantação na Sabedoria Popular.
Contamos consigo e com o seu Saber para nos continuar a fazer rir,chorar,
refletir e pensar com as estórias de um Povo. Longa vida, em
saúde e disposição de espirito Sr Zizim Figueira!
Grande abraço Herminina
Herminia Ferreira herminiaferreira@gmail.com
Comentário:
Zizim, Um tema mui sui géneris que aí desenvolves da
tua parte e que muitas vezes ouvi falar cá na terra mas sem
nunca ter sido tão aprofundado com minucia e uma explicação
tão gira e cabal. Podes crer que li e tornei a ler paulatinamente
este texto e ainda vou lê-lo mais vezes, por causa do seu grande
interesse histórico e sociológico. BRAVO!!! O texto
está muito bem elaborado numa escrita como sempre bastante
simples e abordável de todos os cabo-verdianos de boa vontade
pesno eu. Maravilha! Vai daí um abraço do Fausto
Fausto Oliveira de Melo
faustoliveiramelo@yahoo.com.br
Comentário:
Caramba homem e Sr. Zizim Figueira, Se todos os domingos fico cá
á espreita para ter o privlégio de ler e aprender muito
sobre a minha/nossa terra São Vicente e nossa gente, hoje então
estou completamente siderada com esta estória de que nunca
tinha ouvido falar e que você trouxe com toda aquela absurdidade
que lhe é peculiar cá para o Liberal On Line.Confesso-lhe
que adorei e já abordei a minha mãe para certas explicações
por que eu possa ter melhor a imagem do conteúdo do texto que
está excelente. Adorei!!! Bem haja!!! Parbens e muito obrigado.
Abraços Gilda
Gilda B.Leite gildabarbosaleite@gmail.com
Comentário:
Amigo e Sr.Zizim, É só para lhe dizer que gostei imenso
desta "sturinha" que tem um sabor muito especial para mim.
Força sempre para continuar a nos deleitar com essas magnificas
estórias bem nossas que ninguém melhor do si sabe contá-las
dado a sua vida vivida com o povo da nossa Ilha de São Vicente
Cabo Verde.Vos felicito e envio um abração com muito
carinho Juvenia
JUVENIA
juveniaf@netcabo.pt
Comentário:
Oi Zizim de Ti Djô Figuera,Hoje sturinha sei cede li na Liberal
o que é mute bom pa nôs li na Sidney que grinhassim já
é 5 da tarde hora de nô "tea time" moda inglês
na Soncente. Storia ta prop nice e la na nha zina ond~e cum tava morá
desde de mnine m tava uvi falá dês storia de mnine butiode
e dvera tava dzide cma Xande de Djidsla era um dês. Nôs
tude gostá e ta mandobe mantenha. Terencio
Terencio Lopes terenciolopes@yahoo.com.au
Comentário:
Zizim,Sou leitora assidua e posso te dizer que gostei imenso da originalidade
deste tema de hoje de que todos nós ouviamos falar despertando
em nós aquela curiosidade que nos invadia o mais profundo das
nossas Almas de criança. Excelente trabalho de ordem sociológico,
cultural e por que não histórico. Este documento está
mesmo rico. Que a Força seja contigo meu caro compatriota.
Beijão Lena
Helena Sousa
lenasousa@aol.com
Comentário:
Sim senhor amigo Zizim, Mais uma estória que adorei, embora
poucas vezes venha cá comentar, mas seta ganhou porque me levou
para aquele nosso bom Soncente de gente de Morabez de outrora Saúde
sempre. Um abraço Piduca
Pedro Soares de Sousa pedrossousa@gmail.com
Comentário:
Boa Zé! Esta como apercebi é mais uma inédita
tua. Rapaz, não imaginas como fico feliz de te ver activo assim
e cheio de recursos. Vejo não só que tens uma excelente
memória o que todos muito te apreciamos por nos trazeres a
superficie todas essas coisas vividas que todos podemos juntamente
contigo testemunhar porque são coisas bem nossas. Parabens
e um bom domingo. Abraço Manuel
Manuel Almeida manuelalmeida@yahoo.com.fr
Comentário:
Esta hoje está SUPER! Força nha broda Zizim.Logo vamos
lê-la conjuntamente com aquela paixão dos domingos que
graças a ti e ao Liberal nos transporta á nossa terra
Soncente Cabo Verde. Beijão Yo
Yolanda Dias yoldias@aol.com
Comentário:
Dear brother Zizim, Today you made my day with this "sturinha
sabim nem um pápa c'lete". Bijins Sivi
Sivi Almeida SAlmeida@org.com
Comentário:
Zizim, Inda bem que nô tebe pa defendê cultura de nôs
terra Soncente e esse storia ta fazê bem parte de um parcela
de nôs pove c'sês crença e disposiçon misticista.
Storia ta mute bem escrite num bom criol. Parabens! Um braça
Edgar
Edgar Silva edgarsilva@clix.pt
Comentário:
Oh ... (irmao da comunidade) " êsse menine butiôde"
,um t'chgâ conchêl e bem !.. Lembro-me perfeitamente quando
eu trabalhava na Wilson ,quase todos os dias eu o via ,ao lado da
estrada que vai para companhia wilson , o Alexandre -bem gordinho
- com a sua cordinha na mao ,torcendo-a de esquerda para direita ,respondendo
às perguntas das pessoas ,- à sua maneira- respostas
estranhas mas originais ,que so êle, podia responder daquela
maneira !..Esta é na verdade ,uma estoria original .Para terminar
digo sinceramente apreciei o comentàrio desta estoria ,da colunista
Herminia Ferreira , Aquele abraço do (irmao da comunidade)
Um Criol na Frânça ; Morgadinho !...
Joaquim ALMEIDA soalmeida@free.fr
Comentário:
Tud Dmingo m te alê bôs estória n esse pagina,
ma pa mim esse li é daqués mas sebim que ja bo escrevé.
Parabéns e tcheu POWER pe continuá. abração
Humberto Duarte humbertoduarte1@gmail.com
Comentário:
Zizim, nha queride amigue, Esse storia ta tão bem explicode,,,,
que fazem lembra tcheu cosa de nôs terra que tonte tempe longe
jam tinha esquecide Só fiquei confusa quando falas de Djidsal,
mas depois realizei e vi que a storia passou-se em Soncente no Djidsal
não longe da minha casa. Pois Alexandre, Lembro me bem dele,
E não acreditas que de vez enquando penso nele, no que seria
sua doençaa? Pensei que ele teria sido Autistico. Ele não
se comunicava muito, e andava com essa cordinha na mão ,,,,
é verdade ! Posso vê-lo passando na minha casa na Tchan
de Sumeter, sempre com sua cordinha atirando a para cima, e para baixo....
a tua Storia trouxe me recordações desse tempo, e como
sempre, descreves tudo com todo pormenor que da um gosto enorme ler.
Deves ter ficado emocioniado quando Alexandre se lembrou de ti,imagino!
Até aquele canudo de farinha de pau que le gostava com açucar,fez
parte da nossa infância..não me esqueco do quanto gostavamos
disso, mas não era par comer muito para não inchar o
estomago! E por último, traz o nome de Nha Joana Mari Nha Mãe,
esse nome tão conhecido, e parece me que nha Joana que trabalhou
na minha casa era ela. Tens cada idea, Zizim, a tua memória
e um poço de conhecimentos sobre a vida da nossa terra e nossa
gente. Não vejo a hora de ter nas mãos o teu livro pronto!
Se não fosse por ti, storias desses personagens do nosso tempo,
quando Soncente era piqnin e nós nos conheciamos todos, ficariam
esquecidas no tempo para sempre. Bem hajas por traze-las de volta
a nossa memória, porque com isso outras lembranças esquecidas
com o tempo e a diastância vão aparecendo. Que tudo esteja
bem contigo e que Deus te ajude sempre. Beijinhos grandes, e bom fim
de semana Ju
Judith Wahnon juwahnon@aol.com
Comentário:
Uma estória tipicamente São Vicentina, onde o autor
em doses bem proporcionadas alimenta o aspecto socio-libidinoso da
nossa sociedade cabo-verdiana d'outrora, aliado ao encantamento mistico
de mnine butiode que também se dizia na giria popular "mnine
incantode" o que resumindo,o problema é o mesmo, porque
ficou assim gravado para sempre nas nossas memórias.Certo que
tudo isso faz parte da nossa cultura caboverdiana e já não
é sem tempo que o Ministéro da Cultura faça um
gesto em favor do autor Zizim Figueira, aliás José Figueira
Júnior, ao menos reconhecendo nele todo esse valoroso aspecto
histórico socio-cultural de um trabalho de recolha que só
pode ser útil ao enriquecimento da História de Cabo
Verde. Embora esteja certo que não vai ser no imediato por
causa da "ronha" existente ainda contra a quela nossa Ilha
de Monte Cara cuja a tentiva de riscá-la da carta do nosso
Arquipélago por todos os meios e aspectos tem sido mais do
que evidente desde de 1975. Mas com ou sem o vosso reconhecimenteo
lá se vai sobrevivendo porque São Vicente tem Alma e,
Alma não morre!!! Parabens Zizim e continua com essa força
em ti que faz parte integrante de todos nós. Abarços
Jorge
Jorge Cleofas Martins
jocleofasmartins@gmail.com
Comentário:
Zizim, Que mais dizer, para além de tudo o que já foi
aí dito pela nossa malta amiga e leitora assidua, senão
que isto está uma MARAVILHA para quem conheceu o nosso Soncente.
Mas me alegro porque através das tuas estórias lá
vamos passando a mensagem aos nossos filhos e netos. Obrigado e grande
abraço do amigo e patricio João
João CABRAL
joaocabral@yahoo.com.br
Comentário:
Zizim, como nos dás a conhecer a alma do nosso povo e duma
forma tão conseguida. O teu trabalho é muito importante,
pois educativo. Esta estória prende a atenção
do princípio
até ao fim e o final é muito interessante. Não
ficou butiode, mas mesmo assim lá inteligente ficou... BRAÇA
Maguy Alfama maguyalfama@gmail.com
Comentário:
Zè,
um tema que muita gente ficará satisfeito em ler, e relembrar
aquelas istorias de menino butiod, era mesmo coisas que muita gente
falava quando apareicia aqueles meninos muito traquino, daqui vaei
aqulo abraço cordial amigo. Januário
Januário M. Soares
kmsoares@kpnmail.nl
Comentário:
Caro patricio e amigo Zizim Figueira, Você continua sendo com
suas magnificas e instrutivas "Storias de Soncente" sempre
de actualidade tanto no nosso país Cabo Verde como também
na diáspora Pois, toda gente fala com grande satisfação
e muitos dos cabo-verdeanos que não conheciam ou conhecem aquela
"Tirrinha sabe de Soncente d'um vez" teem manifestado de
passar a conhecê-la, compenetrando-se do humor da sua gente
cheia de morabeza. Ora da minha parte o parabenizo pelo facto de ter
de para além do aspecto instrutivo das crónicas, ter
procurado conciliar o nosso povo cabo-verdeano. Um abraço do
"patché" Zeca
Zeca Almeida
zecalmeida@live.nl
V
O L T A R
|