|
B L A D A - UM CAMPION DE LEGENDA
Geraçon
ta sucedê geraçon na sequença de espace tempe,
uns ta ba ta morrê, otes ta ba ta fecá, pa podê
cuntinuá ta passá quel mensaja dexode pa más
bedje, sô pa ca dexá Cultura de nôs terra morrê.
Assim, gente
que vivê naquel tempe inda praticá tude quês modalidade
desportive que sempre fazê parte de Cultura Inglês, quês
trazê ma ês pa nôs Ilha de Soncente-Cab Verd e que
dali passá também ta fazê um poc parte de nôs
Cultura.
Na tempe,
antes de criaçon d’A.D.B. (Associaçon Desportive
de Barlavente) desporte na Soncente tinha um ote dimenson, mesme na
corrente de campionate local, e tcheu moblidade, quê log que
ta tinha vapor de guerra dum qualquer naçon na Baía
de Porte Grande, era dia de festa na terra, quê ta tinha marinher
tcheu na terra que tava animá tude quês Bar ta tmá
drink e também, log ta tinha nu’ar quel espirte de tude
espece de competiçon.
Enton, Damatinha
c’sê dinamisme de custume, sempre active que ca tinha dôs,
tava bem de borde log c’recode pa terra e tava cunsigui organisá
pa rapte, jogue de Cricket que dantes era na Salina ma depôs
passá ta ser na Tchã de Cricket ô Tchã
de Montessusegue ijdode pa sê grande cumpade e amigue Nhô
Tomás Djidjula. Siguide de Football, Golfe, Rugby (tchmode
na terra jogue de carnirim) etc...
Soncente
ma tude sê pove tava vibrá durante quês dia de
competiçon, quê tripulaçon de vapor de guerra
tava fecá sempre espantode c’capacidade de nôs atleta
que tava dás réplica forte e mute pôc vez tchegá
de perdê jogue ma ês.
Ma depôs
que A.D.B. bem parcê, el trazê ma el um data de chatice
de regra, que foi moda um espece de balde d’ága friu que
caí’n derriba, dá rebentá nôs c’tude
aquel fuga de nôs atleta que sempre sube passá mensaja
de manera positive de más bedje pa más nove. E, dali
cumeçá morte de desporte naquel Soncente qu’um
vez era sabe.
O qu’inda
cunsigui salvo’n um csinha nôs situaçon desportive
foi quel Alma que más bedje dexá pa más nove
e cma Alma ca ta matode, inda Soncente cunsigui até certe ponte
sobrevivê e guardá tcheu daquês modalidade desportive
que mi e más otes compatriota inda otchá, ma o que certeza
já esse mocidade de nove geraçon de hoje em dia já
c’otchá.
Moral desportive,
fui cosa que sempre fazê parte de nôs educaçon
e malta jovem daquel tempe, ca tinha vice de femá nem bibê
e tava popode tcheu pa podia ser “the best of the best”na
tude competiçon que tava participode.
Era um tempe,
qu’inda tava otchode sô malta fiscamente forte na qualquer
competiçon e num qualquer equipa.E pa’m ca bai más
longe, hoje m’ti ta bem falá bsote dum jogador legendar
de Club Sportive Mindlense que tê hoje m’tem certeza ta
lembrode del na mei desportive sobretude de football, embora el tava
dá na tude desporte que parceba pal actuá.
Quem que
tê hoje na vida desportive de Soncente e, mesme de Cab Verd
tude inter, nunca uvi falá de legendar BLADA ijgador fiel de
Club Sportive Mindlense e de Selecçon de Cab Verd, equipas
quel defendê sês cor c’orgui e honra um monzada de
vez contra Selecçon de Costa d’Africa?
Joaquim da
Graça de sê nome de baptisme, fidje de Nhô Ambroze
da Graça e Nha Rosa Maria Delgado, irmon de Funha que também
ijgá na Mindlense, ma Hermine e Mária, nascê na
Monte dia 2 de Fevrer de 1923.
Dês
d’idade de 14 one, el cumeçaba ta ijgá na infantil
de Mindlense, naquel tempe que Mindlense era done de “Pavilhon”
ofericide pa John Miller natural de Liverpool-England e, ondê
que tava praticode tude espece de desporte la dentre (tenis, ginásteca
aplicode, pin-pong etc...).Pavilhon fui recuperode pa tropa (imprestode)
ma depôs que tropa bai nunca más governe torná
intregá Mindlense el.
Inda jovem,
cma el ca tinha lugar naquel primerona de Mindlense el ba ijgá
na sigunda, ma ca durá mute tempe, quê cma el era prop
bom demás, ês proveital log e, dali el passá ta
ijgá na primera de Mindelense, equipa quel cubri de gloria
tê idade de 34 one e quel dexá c’tude honra na fim
de sê carrera.
Rapaz modeste
que vivê sempre na tude sê simplicidade rudiode d’amigues
na vida de tude dia e desportive, dum fair- play sem igual na jogue,
que tava inspirá respeite e admiraçon de tude sês
rival. M’ca tem mimoria d’uvi dzê cma BLADA fui expulse
de compe de jogue pamode malcriaçon ô agressividade.
No intante,
era naquel tempe que ijgá footbal era mistide ser forte sobretude
na disputa de bola. Basta tê pove tava dzê cma football
n’era jogue de senhora. E, BLADA um ijgador que tava dá
na tude lugar quês poba el ta ijgá, tonte na frente cma
na linha media ô defesa, embora el tava ijgá más
era na defesa, passaba na el n’era cosa facil e quês avançade
d’otes equipa tava oiá boi.
M’ ta
lembrá del ta contá sês manha na defesa que tude
defesa ta praticá tê hoje em dia gatchode d’arbitre
pal c’ oiá. Na ora de marcá corner, pô um
gaje pê derrriba de pê ô enton metel dêde
na boca de calçon, sempre c’cuidde na arbitre.
Blada home
de força nem toure, era únique ijdagor que tava pô
cabeça na bola, na boca de peça, na hora de marcá
free-kick (livre). Um vez, um free-kick n’entrada d’area
grande marcode pa Vidim Leite d’Académica que tava shutá
forte e bem, gritá goal, ma el Blada já tava lá
na boca de peça, el metê cabeça naquel forte tire
de Vidim e Mindlense ganhá pa 2 x 1. Foi cosa que marcá
Vidim pa tude tempe.
Blada campion, Blada heroi de mil e um tarde na Compe de Jogue ô
Stadium da Fontinha moda Ivandrita nôs primer jornalista desportive,
tava tchmal na sês relate c’certeaza. Sende football um
jogue coletive, gente ca podê falá de Blada sem falá
daquês tonte geraçon que passá na nôs grande
Mindlense. Dês de tempe D’Adérito Sena ma sês
irmon Aires e Alector, passode pa José Figueira, Placido Estrela,
Dufega, Jon Doia, Oca, Licer,Teje, Tchasse, naquel ratrote que tude
gente ta conchê.
Sempre na
cuntinuaçon daquês team de Mindelense de Nitô,
Manê Prete, Antunzim de Nha Chica Mari Chica, sês irmon
Tola ma Ciznone e tontes ote etc. E, agora más um ratrote ta
cumpanhá ês Storia pa recordaçon de quem que já
esquecê, quê recordá ê vivê, de más
um grande Mindlense que marcá naquel época.
De pê
de esquerda pa direita: - Aderito Sena, Djunga Tchaquá, Futche,
Tola, Tony de Picarone, Djunga de Nuninha, Eduardo de Fula, Xau de
Nhô Pedre Teodora, BLADA e José Figueira.
De cocra
na mesme sentide: - Pote, Niclau de Pinga, Lela de Raul, Tatoche de
Picarone e Djusinha.
BLADA e sês
cumpanher foi primer campion de football de Cab Verd na 1956 contra
Travador d’Ilha de SanTiago, equipa que Mindlense sempre tinha
um bom intercâmbie naquel tempe que tava ijgode pa amor a camisola
e não pa dnher e tude quês ijgador tinha orgui na defendê
sês camisola.
Quonde Blada
sempre Mindlense tê morrer, dexá de ijgá football
na Mindlense qu’idade de 34 one, cma el era impregode na Shell
e Shell fazeba sê equipa, el ba ijgaba pa Shell pa ijdá
Orlande de Bia Gacha ma Toi Beckly criá um espirte d’equipa
e assim foi. E smeme assim, inda el dá sê best ta ijgá
sende amdjor defesa de Shell.
Sem duvda
quel foi um ijgador fora de serie, forte, dure nem rotcha ma dum fair-play
ixemplar sem igual nem rival, estimode e respeitode de tude sês
colega, rival mas não inimigue, footbulista. E tude mnine naquês
juguinha de 10 trocada 20 cabada, tava gostá de ser sempre
BLADA. Prova que mensaja de Blada tinha side bem passode del pa nôs
jovem d’época.
Ma, SIC TRANSIT
GLORIAS MUNDI (assim passam as glorias do Mundo)e nôs grande
Leão do Norte, nôs broda Mindlense de gema Joaquim da
Graça (Vulgue BLADA) c’idade qu’entral na corpe más
alguns complicaçon de saúde, bem falecê na dia
24 de Moi de 1991 la Soncente - Cab Verd pa tristeza de nôs
tude.
Zizim Figuera ( José Figueira, Junior)
V
O L T A R
Comentário:
Obrigado Zizim Figueira por não deixares morrer gentes da nossa
terra como Blada, Eduardo Fula, Lela de Raúl e todos os outro
que estão ali na foto e os que mencionaste como Adérito
Sena e José Figueira teu pai que de tanta glória cobriram
o Clube Sportive Mindelense. A equipa mais velha (fundada em 1922)
e popular de S.Vicente e de toda a Républica de Cabo Verde.
Mindelense foi sempre o baluarte e a alma de todo um povo porque me
lembro ainda rapazinho quando jogava com qualquer equipa de fora toda
a nossa bem amada Ilha de S.Vicente era Mindelense. Nunca me esqueci
aquela tarde em que levantamos a cara de todo um povo batendo os Balantas
de Mansoa por 4 x 2 após todas as equipas locais todas terem
perdido contra. Bem hajas amigo! E continua com essa força
que Deus te deu para nos deleitar das tuas "storias" porque
com elas lá vais fazendo a noss História. Saúde
sempre Abração Bete
Alberto L.Piedade albertolpeidade@hotmail.com
Comentário:
Zizim nha Bro, Junte ma bô e bôs storia, recordá
ê vivê!M'sabê cma bô tem tcheu ricurse desse
lissim gordode e Deus ta dobe saúde pa bô podê
traze'n ês pa Jornal Liberal que nôs tude ta gostá
d'alê. Ubrigada,quê ote palavra más grande m'ca
tel grinhassim na boca pam enaltecebe desse iniciativa. Blada é
defacto um grande referência desportive de nôs tempe na
nôs terra, e quem diz Blada diz tude quel velha guarda que fazê
Mindelense, passonde pa esse grande team de nôs afectos que
bô pô li na Jornal que tude ês moce que ta merecê
um homenaja colective junte de Blada, moda Eduardo Fula, Lela de Raúl,
Niclau de Pinga, Tatoche e tude quês ote que fazê gloria
de Mindelense e de pove d'Ilha de Monte Cara. Parabens nha broda e
bom Astral sempre. Abs Toi
Antonio Bruno
toibruno17@gmail.com
Comentário:
Oi Zizim, Sabe de munde, como sempre , lê bô storia de
hoje, homenagem a Blada. Para te dizer a verdade,,,,, eu não
me lembro dele, acho que naquela época de Soncente, eu não
estava interessada em Futebol,,, pois só conhecia Académica.
Mas foi uma homenagem linda, muito a propósito, e muito bem
escrita como sempre. É bom demais ver-te animado no nosso site
Pracinha de Liceu! Eu estou com saudades, Ha 3 dias que não
tenho tido tempo para entrar la, Mas mais tarde vou dar fé,
porque tenho perdido muito. Só tive uns minutos e vi os emails,
e o Facebook normal, estava cheio de mensagens. Meu horario é
fogo nh'irmon! Mas se Deus quizer vai mudar, em Junho, se Deus me
der vida e saúde, tudo pode acontecer,,, Ou fico com melhor
horário se me derem trabalho. (Ja requeri trabalhar só
de manhã, porque voltar á noite, esta cansativo demais,
chegar a casa as 9 da noite, depois de 13 anos). A economia aqui esta
péssima, como por todo o lado, estão mandadno todos
os professores embora, ve só. Eu se não tiver trabalho,
aposento-me. Só Deus sabe, Fico feliz de saber que continuas
melhorando. Se me aposentar, quem sabe vou passar um tempão
em Soncente. Então iremos dar aquele tchlufe na Baía.
Ah gostei imenso da foto que aí pusesete. Bijim, ótimo
fim de semana Ju
Judith Wahnon
juwahnon@aol.com
Comentário:
Dear Z.Figueira, Esta grande homenagem ao nosso eterno Blada, digo
eterno porque até hoje como todos esses aí nessa execelente
foto e tantos outros, ficaram para sempre gravados no mais profundo
do meu coração. De lembrar naquelas célebres
tardes no Stadium da Fontinha ou Compe de Jogue,algumas lágrimas
me vieram aos olhos. Pois como Midelense de gema que sou é
um acto normal quando nós nos encontramos em terra alheia ou
terra longe. Já recuperei a foto e vou mandar fazê-la
em grande com as devidas cores encarnado e branco e com todos os nomes.
Nh'irmunzim a tua atitude é sempre nobre quando exortas acertadamente
com aprumo e muito bem escrito na nossa lingua caboverdaiana todas
essas Figura Mindelenses que sempre fizeram e farão parte integrante
da nossa história e dos nossos afectos, embora muitas vezes
Heróis Esquecidos por gente que nunca fizeram a minima ideia
da importância do quanto o desporto que sempre fez parte da
nossa Cultura teve de actuação nas nossas vidas. Por
esta via e pelo teu trabalho que sei fazes desinteressadamente, porque
te conheço muito bem, "Mucim de Ponta de Praia",
ninguém te roubará a vedeta no que diz respeito a Soncente
e seu pove porque sempre foste do povo. Grabde e fraterno abraço
cá de Sidney-Austrália do teu broda de sempre Terencio
Terencio Lopes
terenciolopes@yahoo.com.au
Comentário:
WONDERFULL!!! Bravo meu irmão Zizim, melhor não podia
esperar de ti com esta excelente homenagem ao nosso magnifico Blada
cobrindo assim de glória e ao mesmo tempo todos os outros ali
na foto. AH, BONS TEMPOS DAQUEL MINDELENSE DE GARRA INVENCÍVEL.
Parabens por essa belissima homenagem escrita na nossa lingua cabo-verdiana.
Abs Anastácio
Anastácio da CRuz anastaciodacruz@live.nl
Comentário:
Zè, d facto, esta Equipa foi de serteza a maies GLORIOZA, não
sò do Mindelo, como Cabo verde, são nomes destes jogadores
que fica para sempre na nossa historia dos Mindenses. Eu lembro de
todos eles fomos amigos e colega do Mindelense, daquela Gloriosa,
ainda temos o Eduard Fula,Tatoche,Tchau e Djozinha. Dqui vaie quelo
abraço amigo Januàrio
Januàrio M.Soares
jmsoares@casema.nl
Comentário:
Caro irmao das comunidaades, na verdade ",BLADA " foi e
podemos considerà-lo, um campeao de legenda. Um atleta, um
futebolista exemplar, do nosso glorioso Mindelênse, assim como
muitos outros, que se encontram, nesta fotografia, verdadeiro testemunho,
deste grande club, de Sao Vicente e de Cabo Verde, que é O
MINDELENSE, DOUTROS TEMPOS. Sem desprimôr, a esta nova geraçao,
nao posso deixar de sublinhar, a imagem, o orgulho, dizendo mesmo
a vaidade, que qualquer futebolista de Sao Vicente ou mesmo de outras
ilhas, nao tinham, para vestir a camisola do Mindelense !.... Velhos
tempos, que jà là vao, de là de Salina e Pavilhao
!...Obrigado, irmao das comunidades. (Um criol na Frânça)
!.. Morgadinho !...
Joaquim ALMEIDA soalmeida@free.fr
Comentário:
Sr.Zizim, A minha mãe toda Mindelense já pediu-me pela
terceira vez hoje para ler-lhe a estória. Pois vim a descobrir
que ela teve uma paixão platónica por este Sr.Blada
que não conheci, mas que muito ouvi falar, e você soube
honrar muito bem homenageando-o aqui no Jornal Liberal Online que
é o mais lido da na nossa comunidade não só pela
frescura das noticias como também pela presença das
suas crónicas semanais de que todos se deleitam. O meu pai
também era Mindelense e como nasci e cresci naquele bom ambiente
patriótico popular claro que também ostento a bandeira
Mindelense. Gostei imenso da foto e á medida que anunciava
os nomes a mãe me ia explicando quem eram e de que familia
pertenciam.Tenho aí em presença dois primos Djunga de
Nunninha e Sr Eduardo Fula. Obrigado pela rica homenagem e esperemos
que venham mais. Um abraço nosso Suelly
Suelly Fonseca suellyfonseca@gmail.com
Comentário:
Zizim, Não sei se sabias que apesar eu ser da Académica
o Blada durante muitos anos fora o meu ídolo no meio daquela
grande defesa do Mindelense com Eduarddo Fula, Tony de Picarone, Xau,
Tola. Ah bons tempos daquela boa e sã rivalidade desportiva
entre todos, mas muito em especial Académica do Mindelo e Mindelense.
O teu texto na nossa lingua caboverdian está muito bem elaborado.
Parabens por tudo e pela homenagem merecida ao melhor defesa de todos
os tempos de Cabo Verde BLADA. Um abraço Elisio
Elisio Lima
elisiolima11@hotmail.com
Comentário:
Djô Figuera, Que mais dizer se concordo plenamente com tudo
e todos o que fizeste e aqui disseram os leitores senão confirmar
uma homenagem merecida ao indiscutivelmente melhor defesa dum geração
possante do Cl.Sp.Mindelense por nome Joaquim da Graça vulgo
Blada. Parabens e muito obrigado. Mantenhas do Lili
Larry de Pina LPINA1@tampabay.rr.com
Comentário:
Hi, Fiquei mesmo satisfeitíssimo por essa brilhante e digna
homenagem prestada ao nosso saudoso amigo commum e grande Midelense
Blada. Muito te felicito pela brilhante iniciativa. A tua escrita
está perfeita num bom e puro crioulo São Vicentino.
Continua e que haja saúde sempre.Grande abraço João
João Vasconcelos
jvasconselos@telenet.be
Comentário:
Zizim, Aqui na nossa Associação todos gostaram desta
homenagem. Pois a maioria dos mais idosos são todos Midelenses
e souberam apreciar a garnde homenagem que prestaste ao Blada e pela
foto que todos guardaram para mandar fazer com recordação
daquele grande Mindelense de outrora.Abraços e um beijinho
de Yo
Yolanda Dias yoldias@aol.com
Comentário:
Caro Zizim Como sempre adorei a tua stória sobre o Blada,que
como tu tive o grande prazer de ver jogar futebol. Ele era de facto
um jogador fora de série e de uma dedicação fantástica
ao seu MInderlense. Lembro-me de ouvir dizer que muitas vezes ele
ia jogar sem almoçar. Como tu disseste ele era empregado da
Shell e trabalhava nas lanchas que abasteciam de combustível
os barcos que nos bons e velhos tempos demandavam o Porto Grande para
se rabastecerem. Bastas vezes o tabalho terminava mesmo sobre a hora
do começo dos jogos e o pobre Blada para não deixar
mal o Clube do seu coração, ia jogar mesmo sem comer.
Sabias isto? Recebe um grande abraço do teu amigo Ajveracruz
Antonio J.Veracruz ajveracruz@sapo.pt
Comentário:
Olá, Patricio! Apreciei tanto a história de Nicete como
também a do BLADA, herói do futebol Mindelense. Fiquei
conhecendo mais uma figura de relevo da nossa terra. Foi bom ver a
foto, para relembrar personagens e em especial do teu pai todo garboso,
como sempre ele se apresentava. Parabéns por fazer-nos reviver
Mindelo. Desejamos que continues melhorando. Cuida bem da tua saúde.
Abraço dos Barros
Manuela Barros m3barros@aol.com
Comentário:
Oi, Zizim! Ainda bem que mantens bem vivas as PESSOAS que tão
importantes foram para o nosso CABO VERDE. BRAÇA
Maria Margarida Fragoso maguyalfama@gmail.com
Comentário:
Zizim Obrigado. Claro que manténs vivas as memórias
de gentes que tão importantes são para Cabo Verde a
nossa querida terra! Mantenha desde cá do exílio!
Henrique De Pina Cardoso hpcardoso@mail.telepac.pt
Comentário:
É só para assenar a minha bandeirinha e enviar-te aquele
aaaaaaaaaaaaaaaaaaaaaaaaaaaaaaaabraço amigo. Um crebe tcheu
nha amigue. Du
Deolinda Camões ducamoes@hitmail.com
Comentário:
Amigue Zizim, Ubrigada pa tude ês storia que bô tem escrite
e ê c'um grande pazer qu'um ta copiás e trasmitis pa
tude nôs otes amigue. M' ta esperá que esse saúde
ta optima ok. Um grande braça e continuaçon dum bom
semana. Jorge
Jorge Chantre capry5@hotmail.fr
Comentário:
Meu bom amigo Zizim, Adorei mais esta história cujo relato,
como sempre é impecável. Todavia não me julgo
capacitada a analizar porque naquele tempo, como diziam que football
não era jogo de senhora, as senhoras e senhorinhas também
não se interessavam tanto quanto hoje. Fiquei contente em reconhecer
nas fotos o Adérito Sena, Zé Figueira (ambos amigos
do meu falecido pai Timóteo Antunes), Eduardo Fula, Lela de
Raul (ambos do Monte, bairro onde me criei) e Djosinha mnine d'nos
casa porque trabalhou com meu pai durante muito tempo. Um rijo abraço
com votos de muita saúde, a sempre amiga, Io
Iolanda
Fautino iolandafaustino@yahoo.com.br
V
O L T A R
|
