|
C
A P O T E – UM FIGURA DE CARNAVAL MINDLENSE
Carnaval
t’aí, vamos vadiá, vamos vadiá pra policia
não pegá!...Era assim naquel tempe baseode naquel similitude
e transferença de cultura de nôs má Brasil tava
cumeçode qu’esse giria popular ta festejá e cantá
Carnaval na nôs terra moda num espece de mensaja espontaneo
pa ba ta cordá pove de Soncente dvagarin, cma Carnaval tava
ta tchegá.
Ês
similitude de cultura ê tão grande que Professor Gilberto
Freyre (Recife, 15 de março de 1900 – Recife, 18 de julhe
de 1987 – dados de Wikipedia) nordestine, natural de Recife Brasil,
grande sociolgue, antropolgue, escritor e grande nome de Historia
de Brasil, na sê passaja pa Cab Verd (na tempe colonial) tchegá
de dzê cma el sabia cma jal tava na terra de Portugal, má
que tê quel momemnte na terra de Cab Verd inda el tava ta sinti
na Brasil.
Ma ês
stora dahoje ca ti ta bem feco’n li sô sim, quê Carnaval
ês one é terça-fera dia 8 de Morce e cma tude
cosa ta cabá na quarta-fera dia 9, m’ tem que contá
bsote el rapte, pa nô podê vivel djunte na linha direta
dum de nôs grande magic de Carnaval de tude tempe tchmode Capote.
Assim, hoje
m’ti ta bem fala bsote más ê dês grande figura
Mindlense por nome de Capote, Rei e Pai de Dinastia Mandinga d’Ilha
de Monte Cara. Capote era daquês figura popular frador de vida
que nô tava cruzá tude dia na área de Cais d’Alfandega,
Praia de Bote, Bar Tubarão na camin de Casa Nova-Rebera Bote
e tava passá despercibide ma sempre ta fazê parte de
nôs afectos.
Casa Nova,
fui lugar de quaz tude sê vida ondê quel vivê, na
mei tude sê pobreza, ma sempre ta escativá moda tude
gente naquel cicle de catchupa c’cavala o que pla graça
de Deus evital sempre de passá fome, quê home de traboie
moda el era, el ca tava morrê pa sê desmazel, nem nunca
tava dexá priguiça nem tempe panhal.
Depôs
e moda tude gente, cma el também tinha direite, el bem juntá
ma Nha Teresa de Monte Sussegue, lugar ondê quel bem passá
ta vivê. E cool moda el era, quaz que ca tava uvide el falá,
la enton bem parcel um monzada d’amigue moda Bete ma Djê
cumpanher de fundaçon de grupe mandinga, juntode já
m’aquês ôte de Casa Nova.
El ê
daquês figura popular de Soncente, fidje de pobreza que tava
levá quel vida de tude dia na terra, na tude sê simplicidade
na mei de pove. Um home de mil actividade, “buldonhe” moda
ta dzide na terra, quê quonde traboi de estiva tava escassiá,
tava otchode el lá pa lode Coré ta catá pregue
ma parafuse caide de soldadura de lantcha, pa bass vendê lá
Nhô José Semede ô Nhô Liz Cone flinner que
tinha quel tal capoera ondê que tava otchode tude espece peça
ma bugiganga que sempre desinrascá gente de Soncente na sês
problema de mecâneca.
Durante tcheu
one el fui também home de forre ô forrer na Padaria de
Matos, t’assá pon ma bolacha, lugar ondê que fui
sê ultme lugar de traboie qu’um dexal.
Deboxe de
tude quel serenidade, sempre que ta tinha qualquer festa o açon
popular, lá tava otchode el, ma já completamente diferente
daquel Capote de tude dia.
Lá
jal era quel Grande Capote, inteligente, criador, inovador, ta vivê
tude na mei de sê pove na tude sê simplicidade de sempre
sem bajofaria, ta preferi dexá os otes aprecial ô elogial,
o que tava, na nhas oie e manera de pensar de mnine que mi era na
época, dal ainda más valor.
Gente moda
Capote, devê tem tcheu na Munde sempre ta esperá opurtunidade
pa exprimi sês “Inteligência” que dvera é
Universal e nada tem a ver c’instruçon, inflizmente pa
desgraça de mutes que ta vivê inganode.
Já
pa festa de Sr.San Jon, tava incontrode nôs Capote de bonê
de pala, pite na boca, não de tocador de tambor, ma sim de
Capton Farwell ta impô sê comande dentre dum daquês
bnite navizim de vela brónc esfraldode na vente que tava cumpanhá
tambor na ritme de colá quel Sr San Jon revulteode.
Pa San Miguel
Alcanja, lá tava nôs Capote na rua de Coque ta lançá
desafiu que sê pion de goiavera, junte ma Nh’Anton de Sena
e Nhô Fula quês dôs grande Campion de Jogue de Pion
de Soncente... Ratchada pion na, um dôs três pique quemada
San Miguel Alcanja.
Ma lá
ondê que Capote dvera tava dá sê best, era na tude
quês Carnaval d’Intintaçon que nô conchê
e vivê na Soncente em quel bestide de “Mandinga” tava
desafiá tude crónica deboxe de sê silencie, ratchode
pa quês grite d’ardááá...ardááá...
que tava fazê tude gente recuá, t’abri quel circle
chei grite naquel folia de Carnaval, pa depôs fetchal e cuntinuá
ta segui El ma Bete e Djê, cumpanhode p’aquel cavaquim
de Marcel de canalim de Nh’Antone Djudjim, Antone Violão
e mas...e mas otes pa metê imbeinte.
Bestide sês
sainha de tanga, fete de corda de piaçaba desfiode pa Nai,
fazedor de corda pa rede de pesca na Praia de Bote, retocode na casa
pa Capote ma sês cumpanher Mandinga, Bête e Djê.
Que sê
caroa de pena de galinha ma passaron, na cabeça, Capote ê
que tava presentá de Rei de Mandinga, ma tude ês ta tinha
sês espada na mon e, ês ca mestia tisnába corpe
nem d’olie, nem de tisna de carvon porque jas era prete de natureza.
Grupe, Capote
ê que fundal ma na tude sê simplicidade silenciose, moda
bodzê na espece dum recue na tempe e n’espace na busca
de sês orija africana já bastante longe, cortode umbigue
pa colonalisme portugês, cosa que ninguém ca podê
negá. Ma capote sim, el na tude sê serenidade, conciente
ô insconcientmente sempre cunsigui negal.
Tude geste
e açon de Mandiga na tempde de Capote era executode, sem raiba
nem violença ma que seriedade moda n’execuçon dum
peça de teatre sempre na ritme de nôs musequinha tradicional
sabim de:
- Pas Pomba... Pas Pomba...
Pas Pomba...
ca tem batata
Mi jam ba
nha camin Pas Pomba
Quê
Pas Pomba... ca tem ôrroz
Ô mascrinha... Ô mascrinha...
Mascrinha
de cú pelode...elode...elode...elode
E pove ta sigui, quel abertura de Carnaval de tude one sempre fete
pa Capote naquel ritme infernal daquel bacanal qu’era nôs
Carnaval d’Intintaçon dum Soncente de pobreza, ma inteligente,
espontaneo e chei de vida ma criatividade, sem ódie nem violença,
fete pa gente moda CAPOTE REI DE MANDINGA...
E dnher que
n’era talvez cosa más importante pa Capote e tude sês
cumpanher naquel momente de folia de Carnaval, ca tava faltá
naquel bolsa de Mari da Cruz cumpahera fiel recebedera, pa tude quês
banda quês tava passá, ta bem de Monte Sussegue, Praça
Estrela, Rua de Coque, Rua de Paloce, Rua de Lisboa, tê rudiada
Praça Nova, ma sempre naquel ritme sabim de mascrinha... E,
pove sempre ta cumpanhá.
Paz a alma
de nôs grande Capote, home serene ma dum força espiritual
sem igual, que desafiá tude professia de Munde Colonial, ta
trabaiá, ta festejá e ta bibê sê bom grogue...
bom grogue dum época sem merrinha, ma pa quarte de litre, quê
nunca el tava ceitá cinque toston de grogue, lá naquel
cantin de Bar Tubarão de Ti Faustine na Ponta de Praia de Bote...
AMEN !!!
Zizim
Figuera ( José Figueira,junior)jfigueira@wanadoo.fr
V
O L T A R
Comentário:
Meu Caro Zizim de Ti Djô Figuera, Só tu serias capaz,
pelos teus vividos no seio do teu povo, nos trazer à história
de São Vicente Cabo-Verde o retrato tão fiel e bem elaborado
de um pé-descalço, como se dizia na época na
classe mais abastada da Ilha, tal como o Capote dos nossos afectos.Claro
que me lembro dele em todos esses aspectos particulares que tu aí
tão bem mencionas, pois foi meu vizinho quando moravamos na
Casa Nova em Ribeira Bota. Certo um "fidje de pobreza" mas
honesto e digno de si mesmo que nos faz até um certo orgulho
de nos sentirmos São-Vicentinos. Muito obrigado por esta lembrança
merecida do nosso Capote figura popular do Carnaval Mindelense São-Vicentino.
Bem hajas! Que a Força seja contigo. Um abração
bem nosso daqui de Rebera Bote. Guey
Miguel M.Monteiro mucimdereberabote@gmail.com
Comentário:
Caro amigo Z.Figueira, Nesta estória, para além da habitual
descrição única e impar do personagem, nas suas
caracteristas genuínas de gente do povo, dos seus hábitos
e viveres autênticos, que tão arredados parecem da vida
de hoje (ah vida de gossi ê vida mariado, como dizia o teu finado
patricio, o genial Ildo Lobo!), hà não só o aspecto
carnavalesco como a lição a aprender de um filho da
pobreza figura popular Mindelense que apesar dos pesares sempre viveu
do suor do seu fronte e do seu próprio esforço condignamente
toda a sua vida. Parabens pela maneira como soubeste sublimar o personagem
através dessa estória escrita na nossa lingua de forma
forte apreciával e ao alcance de todos. Recebe um forte abraço
de uma compatriota amiga de velha data Arlida Moreno
Arlinda Moreno arlinda.moreno@hotmail.com
Comentário:
Amigo Zizim, Agradeço-te por teres partilhado mais este lindo
conto conosco. De facto é mais uma referência da nossa
Ilha / País. Ja tens data certa para lancamento do teu livro?
Onde sera? Quantos capitulos ou paginas? Qual o nome? Pensaste sobre
a sugestão que eu te avancei, em vires fazer o lançamento
nos EUA? Como eu te disse posso te ajudar a realizar um evento relacionado
com o lançamento do teu trabalho. Há muita malta aqui
que se identificam com os teus/nossos contos. Sera que podemos falar
por telefone ou via "skype" para trocar algumas impressões?
Quando? Fico a aguardando tua resposta. Cumprimentos Perdo
Pedro B.Chantre pedrochantre@yahoo.com.br
Comentário:
Esse sturinha de Capote ta prop sabim nem um pápa c'lete. Ubrigada
nha broda Zizim de trazê pa história de nôs Soncente
tude exe fidje de pobreza exemplar de comportamente moda Capote, Djô
Ía, Fanha etc... Mas um vez ubrigada e uli quel braça
Liz
Liz Cabe l
lizcabel@yahoo.com.br
Comentário:
Mon Cher Zizim, Continuas dominando a nossa lingua com emstria. Essa
estória está sublime em todos os aspectos. Obrigado
pelo personagem Capote de quem ouvi falar mas não conheci.
Grande abraço Rui
Rui Fortes ruifortes@aol.com
Comentário:
Dear brother Zizim, Aí vai o meu bom dia junto do da malta
daqui de Sidney Austrália e também para te dizer um
obrigado por continuares a nos deleitar das tuas estórias onde
todos nos referenciamos encontrando um bocadinho de nós mesmos
na nossa terra S.Vicente assim tão longe de nós. Ah
nôs Carnaval dum vez?! Ondê que bô bai?! Mias uma
vez obrigado Zizim e um abraço de todos nós Terencio
Terencio Lopes terencio.lopes@yahoo.com.au
Comentário:
Caro irmao das comunidades, o teu artigo , desta semana , vem mesmo
a preposito,em boa altura. Na verdade , a cultura de Cabo Verde ,
particularmente a sua mùsica , o seu carnaval , assemelha-se
muito com o carnaval do Brasil e isto vem desde os anos 20 30 ; nao
é por acaso , que nao temos nenhuma deficuldade em interpretar
e mesmo compôr no mesmo estilo brasileiro. Até os anos
60 , para o carnaval de Sao Vicente , compunha-se , com letras em
português , hoje as marchas carnavalescas , sao feitas em criolo
, o lhe dà um (tempero) tipicamente nacional . MANDINGA &
CAPOTE , eram figuras emblemàticas, do carnaval de Sao Vicente
, que lutaram muito , através dos tempos e geraçoes
, mas que acabaram por desaparecer , cuja a forma tipica , deixou
de impôr e de -FAZER MEDO AS CRIANCAS , -mas sem maldade nenhum
. Lembro-me quando passava a mascrinha (de -cù-pelode ), com
o seu violao,o corpo todo pintado de preto e os olhos com as orbitas
pintadas de branco , as criânças escondiam a cara , nas
saias das mâes , mas sempre com a curiosidade , de a ver passar
. Velhos tempos ,que jà nao voltam mais , mas que vale a pena
contar , pois faz parte da nossa cultura , que é um valôr
tradicional . Um criol na Frânça ; Morgadinho !..
ALMEIDA Joaquimsoalmeida@free.fr
Comentário:
Caro Z.Figueira, Mais uma que adorei pela sua originalidade e que
vem nos ajudar a preencher mais um fim de semana com certo prazer
e alegria. Parabens pela escrita bem elaborada e também por
todos os aspectos sensíveis da nossa sociedade São Vicentina
e nossa gente que a compõe.Admirável! Um forte abraço
Gilda
Gilda Barbosa Leite
gildableite@gmail.com
Comentário:
Nh'Irmunzin de criaçon Zizim, Hoja já bô faze'm
sabe quês storia de Capote que nôs tude conchê ta
bai tmá quel quarte de litre pa quentá corpe lá
na bar Tubarão e também Rei de Mandinga dia de Carnaval
que sê espada e sês ardááá... Recorda
dvera é vivê. Thanks broda Djo. Quel braça Lili
Larry de Pina
LPINA1@tampabay.rr.com
Comentário:
Zé, Cá estou para te desejar as melhoras e que o teu
tratamento esteja te decorrendo bem. Nunca me esqueço de ti
e por isso cá estou para te parabenizar por mais esta que logo
vai ser lida pleos meninos da nossa Associação. Um beijinho
da sempre fixe Yo
Yolanda Dias
yoldias@aol.com
Comentário:
Capote, Um personagem dos nossos afectos que nunca podemos esquecer
sobretudo neste periodo carnavalesco. Pois ele merece estar aí
porque fez página de história não só do
Carnaval como dizes, como também do quotidiano da nossa Ilha
de Monte Cara. Parabens em tudo e por tudo! Um fortissimo abraço
Valdemiro
Valdemiro Ferreira
vferreira22@gmail.com
Comentário:
Muitos parabéns pela crónica , votos de felicidades
e saúde para continuar . Um abraço e até breve
.
Gabriela Amado Silva
gabybamado@hotmail.com
Comentário:
Não costume dar muita atenção a textos em crioulo
porque causa-me ainda alguma confusão na interpretaçaõ,
mas este texto foi tão profundo bateu-me bem fundo que voltei
à minha infancia lá na casa nova, o capote foi tudo
aquilo que foi dito e muito mais , que quem viveu com ele pode explicar
melhor, lá na casa nova toda a criançada tratava-o de
titio capote, ele nos contava as suas histórias gostávamos
mais das histórias do seu passado em s.tomé visto ter
trabalhado tb em s.tomé. Saudades daquele tempo que os vizinhos
eram considerados pessoas de família. Obrigado por levar-me
a fazer esta viagem a minha infância.
aonteirolbertina gomes
m bitin.monteiro@hotmail.com
Comentário:
Caro Zizim, A tua estória está um primor e lá
foste buscar no mais recôndito do nosso maravilhoso e espontâneo
carnaval d'intintaçon de outrora um personagem como o Capote
que bem merece o seu nome gravado nas linhas das páginas da
nossa história de figuras Mindelenses. Uma estória como
essa que vale a pena ser contada, estou certo o que muitas que não
sabiam agora ficaram aí a saber muito sobre uma época
em que se fazia um carnaval cheio de boa vontade e muito pouco dinheiro.
O que fazia a sua piada. Hoje tudo é dinheiro e exibicionismo
deixando-se por resolver centenas de problemas sociais da ilha. Enfim
esta é a minha opinião. Obrigado Zizim. Abs Antero
Antero Ramos
antramos@live.nl
Comentário:
Sr.Zizim, Com as explicações da minha mãe lá
consegui compreender melhor a imagem popular na pessoa de Capote.
Pois a mãe lembar-se bem dele desde miúda e gostava
muito da actuação daquel grupo Mandinga com Capote,
Bete, Djê, acumpanhados pelo Marcel no cavaquinho, António
Violão e mais figurantes que faziam tudo com amor e sem quaisquer
violências. Pois era um medo inocente que depois passava e deixava
cada um deitar na bolsa da tal maria da Cruz o que bem se quissesse
dar. Achei como sempre excelente a sua prosa na nossa lingua que já
vou dominando cada vez melhor graças a si. Todos cá
vos saudamos e lhe dizemos até á próxima. Um
beijinho Suelly
Suelly Fonseca suelly.fonseca@gmail.com
Comentário:
Oi grandi Zim, figura des homi dexa klaru ma, pobre sim mas n' ta
ta umilia... Mensagem fika agora mundu tem volta... Afinal tudu kes
ki ta fika na storia lembradu des manenera é porki é
foi um GRANDI HOMEM... Melhoras y kel braça di sempre.
Creolinha creolinhaCv@hotmail.com
Comentário:
Caro Zè, esta istoria desta semana caiu na ora certa, presisamento
na data maies aprecida na sancet, bastante enteressante esta cronica
desta semana, nestes dias onde que fulia esta em brasa, Zè
parabens, que continuas sempre trazendo estas lindas recordações.
daqui vaie aquelo abraço sempre amigo Januàrio.
Januàrio M. Soares jmsoares@casema.nl
Comentário:
O Figueira Bo ca sabe k'satisfaçao k'un tive t'ale esse storia
t'Cpote porque nos era vezin, e conte ele ta dmora tchega na casa
de Mantonha d Luis k'era ce Mae nos é k'tava sei te pchecal.
Enton ja bo imagina qual foi nha emoçao te ale esse storia
bem contote pa bo. Figuera Bo é mais uma vez noj memorial t'
Saocente um forte abraço do amigo sempre Eça Monteiro
mnine t'Casa Nova
Eça M.Monteiro monteiro.eca@hotmail.fr
Comentário:
Irmão
Zizim, mas um vez nhes parabéns pe mas esse cuzinha sabe d'nôs
Soncente, escrite moda sô bô sabé fazé.
Aquele abraço
Humberto Duarte humbertoduarte1@gmail.com
Comentário:
Um sturinha sabim e tchegode dente d'hora nesse Carnaval nh'amigue
Zizim.Capote ta merecê. Bô é sempre na TOP. Continuá
quê bô ta boa via. Quel braça d'irmon Adão
Adão
Costa adaocosta@hotmail.com
V
O L T A R
|