|
FOTO-MELO
E SÊ QUADRE DE CALOTER
Moda más
bedje tchegá de contá, já naquês tempe
antigue tava falode naquel respeite dexode na terra pa quês
home de bigode de cidade de Mindelo, mode sês atitude, quê
pas selaba um controte entre ês ca mistia tistemunha nem conde
de siná papel!
Na stora
d’imprestá cumpanher denher ô otes cosa, só
quel mon de palavra tava tchegá. Assim, ês tava bazá
quel cuspi na palma de mon, espiá cumpanher na cara e selá
quel controte c’um bom monzada, da fecá!
Smeme assim, na base de sês antigue iducaçon, inda ês
cunsigui ba ta passá quel mensaja de seriedade, cosa que alguns
de sês fidje inda guardá, ma que bá ta desaparcê
poque a poque na espace e na tempe! Dali, bem parcê enton quel
nescidade inflizmente de recorrê pa justiça.
Na nha tempe de mnine, inda m’ tchegá de conchê
alguns d’exe home, já prop bidjim ma sempre ta gozá
daquel grande regalia de seriedade e respeite na mei de nôs
sociedade mindlense dum vez. Ês era uns figura antigue que tchegá
de marcá sês prisença, não só pa
sês manera d’agi, cma também pa sês manera
de besti que já pa nôs, na nôs época, tava
parce’n completamente fora de moda!
Basta é de lembrá, aquel imaja de nha tiu-avô,
home daquel tempe qu’inda vivê na nha época e que
marca’m na sê manera de besti, cosa quel ca mudá,
tê dia qu’el morrê!
Assim, tude dia que Deus tem na cruz, el tava pô sê tchapezon
de feltre cinzente, rudiode daquel lorgue fita prete na parte de fora,
bestide sê camisa bronc alvim bem ingomode, que colarim olte
esticadim puste na goma, colete prete deboxe de sê casoque chei
de julbirinha, ondê quel tava exibi chei de bajofaria quês
fiu prateode ô dorode que tava terminá na ponta pa um
arloje prateode ô dorode na forma dum concha, marca “Omega”,
que sês prazer era abril, pol n’uvide, dal corda diante
de gente e pol na hora de Greenwich Meridian Time.
Ma tempe ba ta passá, vida ma gente ba ta mudá, mute
valor fui perdide, ôtes fui ganhode tude na lei de palavra moda
desenvolvimente... evoluçon...etc. Dexá cada um tchemal
moda el querê, ma quês valor dum vez fui bons valor q’inda
cunsigui tchegá na nôs, quê inda nô otchá
um csinha dês, ma despôs ês fecá pirdide
pa tude tempe, num posiçon que já nô ca ta podê
torná recuperás moda tcheu cosa.
Inda tude na quês recordaçon d’infancia, ta lembrome
quel tempe, quonde um pon de midje era dôs toston e que tude
quarta-fera despôs de escola da tarde era dia de cinema de mnine
lá na Olte de Miramar, na Foto Melo, entrada cinque toston
o que tava fazê ligria de tude mninada que tava passá
cumpanher mensaja, pa nô podia basse tude djunte pa Cinema.
Lá na funde de Studio, ondê que Djessa ma Papim tava
custumá tra pove ratrote, tava quel grande écran brónc
tude esticadim, ma quel maqueninha de betá filme d’oite
milímetre, já tude preparode.
Despôs era quês filme mude que Papim tava betá
gente e bá ta explico’n na cada passaja o que naquel tempe
na tude nôs inocência, sem nô sabê, já
tava estode ta intchine cabicinha daquel cultura de cinema mude e
só daquês bom moda:
- Charlie Chaplin, Max Linder, Buster Keaton ma Harold Loyd (comic
más cunchide na malta pa filme de Charlote) e Bela Lugosi ma
Boris Karloff (ta representá quês filme de mede d’Edgar
Allan Poe) moda “A Mão da Mumia” ô “O
Homem da Sombra”etc.
Era assim que nôs mnine, na nôs manera d’oiá
cosa, nô fecá pa sempre marcode pa quês filme da
lá de Cinema de Papim. Daquês cosa na vida que só
despôs de grande, quonde gente ta cumeçá ta prendê
destrinçá orija de cosa, é que gente ta bem sabê
dás quel valor ma importância que nô divia ter
ês dode na época. Ma czê q’nô podia
fazê?!...
E dzê cma uns one despôs nô tchegá d’oiá
tude ês filme na grande écran lá na Éden
Park (d’irmons Marques) e Park Miramar(Tuta Melo). Cinema, nobre
arte, cosa que hoje em dia já ca tem na Soncente, nem na Cabo
Verde p’uvi dzê, e cosa que sempre fazeba parte integrante
de nôs CULTURA!... Ma, cmanera que nô cunsigui tchegá
na tal ponte?!...
Sem ser cinema, também lá na Foto Melo tava trode ratrote
de tude espece pa bilhete d’identidade, pa pô na quadre
pa recordaçon, quês ratrote antigue daquês home
de bigode ês só, bestide daquel manera, que tava puste
na parede de casa pa galantaria, ô enton quês ratrote
de família que mãe na mei, rudiode de tude sês
fidje, de más bedje tê más nove, uns pintiode
c’cabel ratchode na mei, moda um livre pa rapazim, e quês
mnininha c’cabel fete trança ô trucide.
E dzê cma tude quês foto era fete na papel “sépia
color”que despôs Djessa Melo, grande artista, num verdader
operaçon d’obra d’arte, tava bá pintás
que sê mon, quê naquel tempe inda ca tinha storia de película
a cores!
Cosa que
tava levá uns dia, quê tinha q’esperode papel sépia
secá pa despôs Djessa, pudesse cumeçá ta
pintás que pincel e aguarela! Tão bem fete a ponte que
té despôs d’obra fete ninguém tava dzê
ô crê creditá cma era foto pintode pa mon de gente,
artista! Um verdader maravilha!
Moda m’ta lembrá, Papim era bom na sê quadraja na
hora de fazê de foto, el tinha mute paciença que gente,
sobretude naquel tempe que gente ca podia nem divia mexê na
hora de trá ratrote, quê prova tava sei log lá
mez na pelicula e el tava notá log se pessoa ta tinha mixide
ô não, quê pelicula tava sei já tude trimide
e el era ubrigode a torná começá.
Também, tinha quês foto fete que flash de magneze...
Pufff!.. Ma pove ca tava gostá mute daquê flash, quê
ês tava sei ô c’oi grilide ô c’oi fetchode...
Cosa nada fácil, mez quonde Papim tava explicás antes
de fazês foto.
Foto era incomendode e fete pa lote de seis ô dez e despôs
cada um tava bem bescá sê incomenda, despôs de
ter pagode Papim ma Djessa sês traboi, o qu’era normal.
Papim ma Djessa, na sês boa fê, tava fazê tude gente
cunfiança, assim ês ta tinha tcheu fraguez fixe e ês
era bastante popular, mnine de Soncente bem cunchide de pove, pa quês
fidje de Djidjon de Melo ma Dona Natália.
Ma também, deboxe de tude quel amizade e cunfiança,
tinha quem que tava fazê ratrote e, pa razon que só ês
só é que sabia, tava esquecê de ba bescás
lá na Foto Melo n’Olte de Miramar!
Basta, ta tinha foto que tava fecá lá um data d’one
sem sês done ba bescás. Enton Papim, pal oiá s’el
tava recuperá sê denher, criá quel tal “QUADRE
DE CALOTER” ondê q’el tava pô tude gente que,
despôs de três one, tava esquecê de ba bescá
sês ratrote!
Na olte de cabeça de quadre era bem marcode c’ letra grande
pintode de prete “QUADRE DE CALOTER” , ma Papim inda pa
queston de respeite pa quês gente que ta tinha puste el calote,
el tava pôs na quadre que cabeça pra boxe...
Assim, quem
queria oiá quês ratrote podia pegá naquel quadre,
que tava estode sempre na disposiçon de tude gente derriba
de balcon, dexode lá pa de vontade, pa Papim, pa despôs
recode podia ser levode té quês caloter, pa boca de pove.
Moda Papim tchegá de contá, um vez el tive vesita dum
home de respeite, ma inda c’aquel mentalidade daquel tempe antigue,
por nome de Nhô Ijzê Pardalim, q’era professor na
SanAnton.
Despôs
de mute conversa, Nhô Ijzê, que tinha oiode quel quadre,
vrá pa Papim el dzel:
- Deixa estar q’ucis tem cada ideia nesta terra! Agora, até
um “quadro dos caloteiros”?!
Ma Papim notá cma, despôs de Nhô Ijzê Pardalim
ter oiode quês ratrote naquel quadre, sê cara perdê
log quel surrise e ba ta fecá mute indignode d’oiá,
na mei daquês ratrote, um senhora por nome de Dona Luzia na
“Quadre de Caloter”.
Ma Nhô Ijzê ca dzê más nada! Enton, pa salvá
situaçon, Nhô Ijzê vrá pa Papim, el dzel
na sê bom português:
- A Dona Luzia naquele retrato está mais bonita do que parece!...
Quanto é que ela está devendo?!
Papim dá prece, Nhô Ijzê puxá uns nota de
bolse devagarim, el pagá Papim e tmá quel ratrote, pa
salvá honra de Dona Luzia de “Quadre de Caloter”!
Dona Luzia, quel enigma, salvode honra pa quel cavaler andante descunhicide
ma de nobre geste!... O certe é que nem Papim nem ninguém
nunca sube quem era quel tal Dona Luzia!?... Talvez um daquês
amor platónico qu’às vez ta parcê na MUNDE?!...
Quem sabê?!
Zizim Figuera (José Figueira, Júnior)
V
O L T A R
Comentário:
Que de boas recordações nas tuas crónicas hebdomadárias
amigo Zizim, ainda por cima escritas numa linguagem linear fina e
bem nossa onde todos encontramos as referências das nossas origens.
Os teus contos há anos que veem sendo de uma riqueza extraordinária
para todos nós Cabo-Verdianos em geral e do Norte em especial
por estares no verdadeiro caminho da nossa lingua escrita que tanto
teem tentado estragar criando situações em que até
os meus/nossos filhos hoje em dia já nem sabem redigir um texto
ou defender um tema na sicronia escrita como nós aprendemos
nas boas escolas da nossa época. Muita força sempre
para coninuares porque estamo juntos. Me lembro bem do tal "qudro
de caloter" lá no Papim-Foto Melo. Obrigado por mais esta
e vai daí um farterno abraço Sergio
Sergio Lima Barros sergio.lbarros@live.nl
Comentário:
Brother Obrigado! Este crioulo está perfeito ... Acho que encontraste
um padrão da escrita ... Parabéns e muita com ajuda
de Deus Nosso Senhor... Um abraço irmão...! Mantenha
desde cá do exílio Henrique De Pina Cardoso
Henrique De Pina Cardoso hpcardoso@mail.telepac.pt
Comentário:
Dear Zizim, Antes de mais os meus sinceros parabens pelas tuas 72
duas primaveras ontem dia 8 de Janeiro com votos que Deus te dê
vida e saúde para que possas continuar a marcar o nosso mundo
da tua presença com tuas sublimes Storias muito apreciadas
de todos.Esta de hoje está sublime.Pois me lembro muito bem
do Quadro de Caloter lá no amigo Papim Melo e da saga do Nhô
Ijzê Pardalim.Bem hajas! Foret abraço Terencio
Terencio Lopes terencio.lopes@yahoo.com.au
Comentário:
A tua ideia foi genial ao escreveres este conto onde tu nos abranges
e reunes no mais recôndito da nossa bela infância do tempos
do Cinema mudo no Tuta e Papim Melo onde vimos realmente todos estes
filmes de que falas e que mais tarde tornaram-se verdadeiro "Chef-D'Oeurvre"
reconhecidos internacionalmente.Eram os bons tempos de"Pon de
trança c'mel,chupeta, rubeçode de mancarra, ma sucrinha"
que já não voltam mais.Os tempos de "mnine buzode,
traquina ma não malcriode".A storia está mesmo
muito bem elaborada como sempre.Obrigado e força para continuares.Abraços
Gilda
Gilda B.Leite gildableite77@gmail.com
Comentário:
Boa Zizim de Ti Djô Figuera,Bõ cumeçá one
drete c'um sturinha sabim de gente sabim e chei de recordaçon
daquel bom tempe de nôs terra Soncente ondê que ca tinha
maldade.Bô escrita ta mesme porreiro.Força pa cuntinhuá
quê nô ta djunte.Um braçona tamonhe de MUNDE de
nôs tude li de Rebera Bote. Guey
Miguel M.Monteiro mucimdereberabote@gmail.com
Comentário:
Fan como somos das suas crónicas Sr.Zizim, cá estamos
a mãe e eu para darmos o nosso parecer sobre a leitura domingueira
dos seus magnificos contos sobre a nossa terra S.Vicente.Eles são
de uma riqueza no que consiste as boas recordações daquele
S.Vicente de outrora onde com a ajuda da mãe lá vou
aprendendo coisas que realmente não conheci mas que graças
a si e ao Liberal fico sabendo.Força e saúde para si
amigo e Sr.Zizim.Um forte abraço nosso Suelly
Suelly Fonseca suellyfonseca17@gmail.com
Comentário:
Boa Ti Figas! Gostei imenso como sempre Continuação
de um bom ano 2011.Rijo abraço Afonso
Afonso Estrela afonso.estrela@aol.com
Comentário:
Caro Z.Figueira, Muito obrigado pelas tuas magnificas crónicas
que continuam sendo sempre bem-vindas e teem sido de um grande apoio
moral cabo-verdiano a todos nós nesta Diáspora. Felicidades
e boa continuação. Abraços Pedro
Pedro Almeida Soares pedro.alsoares@live.net
Comentário:
Bravo Djô! Gostei e vai daí aquele abraço do amigo
de infância. Lili
Larry de Pina LPINA1@tampabay.rr.com
Comentário:
Zizim, meu amigo do peito e de senmpre, antes de mais os meus parabens
e feliz aniversário que foi no dia 8 de janeiro. Tambem te
felicito por mais esta rica Storia que ja passei no "print"
para a leituira logo ne reunião na nossa Associação
Cab-Verdiana cá em Orlando USA. Sentidos pesames pelo falecimento
da nossa amiga comum Magui Salomão Mascarenhas. Abraços
Yo
Yolanda Dias yoldias@aol.com
Comentário:
Ho!.. ( Irmao das comunidades ) FOTO MELO ,qu'el quadro de clientes
,CALOTER !...Lembro-me perfeitamente,daquele famoso quadro ;a curiosidade
das pessoas ,para ver se as suas caras ,ou caras das pessoas amigas
,se encontravam ,fixadas naquele quadro ,pendurado na parede ,exposta
loga na entrada . Ainda hoje ,o letreiro ,FOTO MELO ,nao foi limpado
,testemunhando ,nao so uma das recordaçoes,como vitrina do
Mindêlo e também esta grande familia , MELO ; lembro-me
também ,que o cinema Eden Park ,de inicio ,a ideia veio deste
senhor ,que é "Djim-Djon" MELO ,cujos os filhos ,foram
todos fetògrafos e um dêles ,propretàrio do cinema
Park-Miramar , "Tuta Melo ". Boa lembrânça,(irmao
das comunidades) Um criol na Frânça ; Morgadinho !...
Joaquim ALMEIDA soalmeida@free.fr
Comentário:
Linda
Storia bem regada de todos aqueles acepipes e condimentos próprios
da nossa sociedade Mindelens-São Vicentina de outrora com todo
o realismo e uma otima expressão escrita. Parabens ao autor
Zizim Figeuira.Forte abraço Jorge
Jorge
Cleofas Martins
jocleofasmartins@gmail.com
V
O L T A R
|