Segredo

Cusa quim tâ crê frabo
Ê lágrima que tâ pingâ dento mi
Cusa que inda lâ baixo tchon
Bo tâ atchal dento na nha mon.

Cusa quim tâ crê frabo
Ê silênsio na bo ausênsia
Ê un flôr quim gardabo
Pâ qu'el bo sorriso di onti.

Cusa qui'n tâ crê frabo
Ê qu'el abraço qui'n câ podê dabo
Ê qu'el verdadi gatchado dento mi
Ê un nesga di nha alma.

Ê un poema na bo sorriso
Ê flôr co sabor di bejo
Un bejo co bonitéza dun flôr
Un sorriso co beleza dun poema.

Ê grito fitchado na pêto
Ê pêto fitchado na grito
Sê andar ê suma carísia
Sê sorriso ê ramedi pâ nha dor.

Domingos Barbosa da Silva